સામાન્ય રીતે શ્વાસની તકલીફ લાંબી દોડ અથવા થોડા કિમી ચાલ્યા પછી શરૂ થાય છે. આવી પ્રવૃત્તિઓ દરમિયાન બ્લડ પ્રેશર વધવાને કારણે શ્વાસ લેવામાં તકલીફ થવી એ સામાન્ય બાબત છે. પરંતુ શુ તમને થોડીવાર ચાલ્યા પછી કે દાદરા ચઢવા-ઉતર્યા પછી પણ આવી તકલીફો થવા લાગે છે?
જો હા, તો તમારે વધારે સાવચેત રહેવાની જરૂર છે. તે ગંભીર સ્વાસ્થ્ય સમસ્યાનો સંકેત પણ હોઈ શકે છે. સામાન્ય રીતે હાર્ટ કે ફેફસાના રોગ સાથે શ્વાસ લેવામાં તકલીફ થવા લાગે છે. પરંતુ એવું જરૂરી નથી કે આ બંને અંગોમાં તકલીફને કારણે શ્વાસ લેવામાં તકલીફ થાય.
આરોગ્ય નિષ્ણાંતોના મતે, લોકોને ઘણીવાર હૃદયની બિમારીઓ અથવા અસ્થમા જેવી શ્વસન સમસ્યાઓના કારણે શ્વાસ લેવામાં તકલીફ થઈ શકે છે. પરંતુ એવું જરૂરી નથી કે દર વખતે શ્વાસની તકલીફ પાછળ આ બે કારણો હોય. શ્વાસની તકલીફ ઘણા કારણોસર થઈ શકે છે. આવી સ્થિતિમાં તેની પાછળના સાચા કારણનું મૂલ્યાંકન કરવું અને સમયસર સારવાર કરવી જરૂરી છે.
શા માટે શ્વાસની થાય છે તકલીફ ?
શરીરને પૂરતા પ્રમાણમાં ઓક્સિજન ન મળવાને કારણે શ્વાસ લેવામાં તકલીફ થઈ શકે છે. આવી સ્થિતિમાં સ્વાભાવિક રીતે જ વ્યક્તિ ઝડપથી શ્વાસ લેવાનો પ્રયાસ કરે છે. આ શ્વાસની તકલીફને મેડિકલ ભાષામાં ડિસ્પેનિયા કહેવાય છે.
આ સમસ્યા માટે ઘણા તબીબી અને બિન-તબીબી કારણો હોઈ શકે છે. એલર્જી, અસ્થમા, હૃદય રોગ, સ્થૂળતા, ક્ષય રોગ જેવી સમસ્યાઓથી પીડિત લોકોને શ્વાસ લેવામાં તકલીફ થવાની સંભાવના વધુ હોય છે.
આ સમસ્યાઓ શ્વાસ લેવામાં તકલીફનું બની શકે છે કારણ
સ્વાસ્થ્ય નિષ્ણાતોના મતે, ઘણા લોકોમાં કિડની અને સ્નાયુઓને લગતી સમસ્યાઓ પણ શ્વાસની તકલીફનું કારણ બની શકે છે. આ જ કારણ છે કે રોગના વાસ્તવિક કારણનું સમયસર નિદાન કરવું જરૂરી છે. તેને અવગણવાથી અથવા ફક્ત હૃદયની સમસ્યાઓ માટે સારવાર લેવાથી અન્ય ઘણી મોટી બીમારીઓ થઈ શકે છે.
