Connect with us

ગાંધીનગર

ઓગસ્ટ-સપ્ટેમ્બર-૨૦૨૨ દરમિયાન રાજ્યની શાળાઓમાં ધોરણ-૫ થી ૧૦ના તમામ બાળકોનું રસીકરણ કરાશે ઋષિકેશભાઈ પટેલ આરોગ્ય મંત્રી

Published

on

રાજ્યવ્યાપી રસીકરણ અભિયાન થકી અંદાજે ૨૬ લાખથી વધુ સગર્ભા માતાઓ-બાળકો અને ૫૦ હજાર શાળાઓના લાખો વિદ્યાર્થીઓને વિવિધ ૧૨ જેટલા રોગોથી સુરક્ષિત કરાશે: આરોગ્યમંત્રી ઋષિકેશભાઈ પટેલ

Td 10 અને Td 16 રસીકરણ અભિયાનનો ગાંધીનગર ખાતેથી રાજ્યવ્યાપી શુભારંભ કરાવતાં આરોગ્ય મંત્રી ઋષિકેશભાઈ પટેલ

ઓગસ્ટ-સપ્ટેમ્બર-૨૦૨૨ દરમિયાન રાજ્યની શાળાઓમાં ધોરણ-૫ થી ૧૦ના તમામ બાળકોનું રસીકરણ કરાશે
વિવિધ રોગો સામે રક્ષણ આપતી રસી સંપૂર્ણ સલામત
રાજ્યમાં ૧૦૦૦ જેટલી RBSK ટીમો દ્વારા સઘન રસીકરણ હાથ ધરાશે

રાજ્યવ્યાપી Td-10 વર્ષ અને Td-16 વર્ષ રસીકરણ અભિયાન થકી રાજ્યની અંદાજે ૨૬ લાખ જેટલી સગર્ભા માતાઓ-બાળકો તેમજ અંદાજે ૫૦ હજાર જેટલી શાળાઓના લાખો વિદ્યાર્થીઓને વિવિધ ૧૨ જેટલા ઘાતક રોગોથી આજીવન સુરક્ષિત કરાશે તેમ આજે આરોગ્ય મંત્રી શ્રી ઋષિકેશભાઈ પટેલે જણાવ્યું હતું.

Advertisement

આરોગ્ય મંત્રી ઋષિકેશભાઈ પટેલે આજે Td-10 અને Td-16 રસીકરણ અભિયાન કાર્યક્રમનો રાજ્યવ્યાપી શુભારંભ ગુરૂફૂળ, સેકટર-૨૩, ગાંધીનગર ખાતેથી કરાવતા કહ્યું હતું કે, મુખ્યમંત્રી ભૂપેન્દ્રભાઈ પટેલના માર્ગદર્શનમાં રાજ્યની લાખો સગર્ભા માતાઓ, એક વર્ષથી નાની વયના બાળકો અને શાળાના વિદ્યાર્થીને ૧૨ જેટલા ઘાતક રોગોથી સુરક્ષિત કરવાના રાજ્યવ્યાપી અભિયાન અંતર્ગત સગર્ભા માતાઓને ધનૂર અને ડિપ્થેરિયા તેમજ બાળકોને થતા ૧૨ ઘાતક રોગો જેવાં કે ઝેરી કમળો, બાળ ટી.બી., પોલીયો, ડીપ્થેરીયા, ઊટાટીયું, ધનુર, હીબ બેક્ટેરિયાથી થતા રોગો જેવાં કે, ન્યુમોનિયા અને મગજનો તાવ, ન્યૂમોકોકલથી થતા ન્યુમોનિયા, રોટા વાયરસથી થતા ઝાડા, ઓરી, રૂબેલા જેવા રોગો સામે સાર્વત્રિક રસીકરણ કાર્યક્રમ થકી જીવનરક્ષક રસીઓ દ્વારા રક્ષિત કરવામાં આવશે. રાજ્યમાં દર વર્ષે અંદાજીત ૧૩.૫૦ લાખ સગર્ભા માતાઓ અને ૧૩ લાખ એક વર્ષથી નાની વયના બાળકોને સાર્વત્રિક રસીકરણ કાર્યક્રમ અંતર્ગત આવરી લેવામાં આવે છે.
આ અંગે આરોગ્ય પ્રધાન ઋષિકેશ પટેલે કહ્યું હતું કે, કોવિડ-૧૯ની વૈશ્વિક મહામારીના કારણે છેલ્લાં બે વર્ષથી શાળાઓ બંધ હોવાથી બાળકોનું Td-ધનૂર અને ડિપ્થેરિયાનું રસીકરણ થઇ શક્યું નહતું. આ રસીકરણની ઝૂંબેશના પ્રથમ તબક્કા દરમિયાન ઓગસ્ટ-સપ્ટેમ્બર ૨૦૨૨માં રાજ્યની શાળાઓમાં ધોરણ ૫ અને ધોરણ ૧૦ના તમામ બાળકોને ટી.ડી. (ધનૂર અને ડિપ્થેરિયા)ની રસી આપવામાં આવનાર છે. આ કામગીરી ઈન્જેકટેબલ રસીકરણ માટેનું એક વિશાળ આભિયાન સાબિત થશે, આ અભિયાનમાં ૧,૦૦૦ RBSK ટીમ દ્વારા અંદાજે ૫૦,૦૦૦ શાળાઓના અંદાજીત ૨૩ લાખ બાળકોનું રસીકરણ કરવામાં આવશે. ઉપરાંત, આ અભિયાનમાં રહી ગયેલા બાળકોને બીજા તબક્કા દરમિયાન મમતા સેશનમાં પણ આવરી લેવામાં આવશે તેમ મંત્રીશ્રીએ ઉમેર્યું હતું.

કેન્દ્ર સરકાર દ્વારા ટી.ડી. રસીકરણ માટેની માર્ગદર્શિકા ૨૦૧૯માં રજૂ કરવામાં આવી હતી. આ માર્ગદર્શિકા પ્રમાણે ૧૦ અને ૧૬ વર્ષના કિશોરો અને કિશોરીઓમાં ધનૂર અને ડીપ્થેરીયાની સામે રક્ષણ માટે TTની રસીની જગ્યાએ Tdની રસી આપવા માટે ભલામણ કરવામાં આવી છે. આ વેક્સીન હાલમાં ૧૩૦થી વધુ દેશોમાં સલામત રીતે આપવામાં આવી રહી છે તેમ પણ મંત્રીશ્રીએ કહ્યું હતું.

તેમણે વધુમાં જણાવ્યું હતું કે, રાજ્યવ્યાપી આ ઝુંબેશને સફળ બનાવવા માટે ખાસ કરીને શિક્ષણ વિભાગનું મહત્વનું યોગદાન છે. ટી.ડી. રસી હાલમાં સરકારી તમામ શાળાઓ પર આપવામાં આવશે. આ ટી.ડી.ની રસી સંપૂર્ણપણે સુરક્ષિત છે. તેમ છતાં પણ કોઈ આડઅસર જણાય તો તેની સારવાર માટે દરેક રસીકરણ સેન્ટર તેમજ સરકારી દવાખાના પર એઇ.એફ.આઈ. કીટ ઉપલબ્ધ છે અને શાળાઓમાં પણ રસીકરણ વખતે આ કીટ ઉપલબ્ધ રાખવામાં આવશે. જેથી ત્વરિત સારવાર આપી શકાય.

આરોગ્ય મંત્રી સહિત મહાનુભાવોના હસ્તે વેક્સિનેટેડ વિદ્યાર્થીઓને ‘‘Td વેક્સિનેશન કાર્ડ’’ આપીને પ્રોત્સાહિત કરવામાં આવ્યા હતા તેમજ આરોગ્ય વિભાગની Td10 અને Td16 રસીકરણની માર્ગદર્શિકાનું પણ વિમોચન કરવામાં આવ્યું હતું.

Advertisement
Continue Reading
Advertisement
Click to comment

Leave a Reply

Your email address will not be published.

ગાંધીનગર

પ્રદેશ ભાજપ મીડિયા સેલ ના કન્વીનર યજ્ઞેશ દવે એ દિલ્હી સરકારની શિક્ષણ નીતિને લઇ કર્યા પ્રહારો

Published

on

પ્રદેશ ભાજપ મીડિયા સેલ ના કન્વીનર યજ્ઞેશ દવે એ દિલ્હી સરકારની શિક્ષણ નીતિને લઇ કર્યા પ્રહારો

પ્રદેશ ભાજપ ના મીડિયા સેલ કન્વીનર યજ્ઞેશ દવેએ ટ્વીટ કરીને કહ્યું હતું કે આમ આદમી પાર્ટી ના રાષ્ટ્રીય કન્વીનર અને દિલ્હીના મુખ્યપ્રધાન અરવિંદ કેજરીવાલ અને તેમના દ્વારા એક પણ શાળાની મુલાકાત લીધી નથી કે પછી કોઈપણ જાતનો શિક્ષક સાથે સંવાદ કર્યો નથી કે આપના ધારાસભ્ય કે શાળાઓ માં ગ્રાન્ટ ફાળવી ન હોવાનો આરટીઆઈ માં પ્રદાફાર્શ થયો છે..

RTI પર્દાફાસ
2015 થી2022સુધીમાં રેવડીલાલે એક પણ શાળાની વિઝીટ નથી કરી કોઈપણ વિદ્યાર્થીઓ સાથે વાત નથી કરી કે કોઈપણ શિક્ષક સાથે સંવાદ પણ નથી કર્યા અને તેના ધારાસભ્યોએ કોઈપણ શાળાને ગ્રાન્ટ પણ નથી ફાળવી અને ગુજરાત આવીને હળહળતું જુઠ્ઠું …જુવો રિપોર્ટ

 

Advertisement

 

Advertisement
Continue Reading

ગાંધીનગર

ભ્રષ્ટ ભાજપ ગમે તેટલો CBI અને EDનો દુરુપયોગ કરે પણ આ વખત ગુજરાતની જનતાએ આમ આદમી પાર્ટીનો સાથ આપવાનું નક્કી કરી દીધું છે: ઈસુદાન ગઢવી

Published

on

અરવિંદ કેજરીવાલ માટે અડચણ ઊભી થાય એ માટે ગઈકાલે આમ આદમી પાર્ટીના એક સામાન્ય કાર્યકર્તા વિજય નાયરની CBIએ ધરપકડ કરી છે: ઈસુદાન ગઢવી

સ્ટ્રેટેજી અને પ્લાનિંગનું કામ કરીને વિજય નાયરે પંજાબમાં આમ આદમી પાર્ટીને વિજય બનાવી અને ગુજરાતમાં પણ તેઓ સ્ટ્રેટેજી પ્લાનર છે એટલા માટે વિજય નાયરની ધરપકડ કરી છે: ઈસુદાન ગઢવી

વિજય નાયરને શરાબ કાયદા સાથે કોઈ લેવાદેવા નથી, તેમની પાસે કોઈ સરકારી પદ પણ નથી: ઈસુદાન ગઢવી

વિજય નાયરના ઘરે CBI બે વખત જઈ આવી અને અત્યાર સુધી તેમના ઘરેથી કશું મળ્યું નથી: ઈસુદાન ગઢવી

Advertisement

ભ્રષ્ટ ભાજપના કહેવાથી CBIના અધિકારીઓએ વિજય નાયરને એવી પણ ધમકી આપી કે “તમે મનીષ સિસોદિયાનું નામ આપી દો.”: ઈસુદાન ગઢવી

ભ્રષ્ટ ભાજપ ગમે તેટલો CBI અને EDનો દુરુપયોગ કરે પણ આ વખત ગુજરાતની જનતાએ આમ આદમી પાર્ટીનો સાથ આપવાનું નક્કી કરી દીધું છે: ઈસુદાન ગઢવી

આખા ગુજરાતમાં અરવિંદ કેજરીવાલનું વર્ચસ્વ વધી રહ્યું છે એટલે ભાજપ ડરી ગયું છે: ઈસુદાન ગઢવી

ગુજરાતમાં અરવિંદ કેજરીવાલ પરેશાન થાય, બાળકોને સારું શિક્ષણ ન મળે, પેપર લીક વગર પરીક્ષા ના લેવાય, બેરોજગારો બેરોજગાર જ રહે, ખેડૂતોને પૂરતા ભાવ ના મળે અને તેઓ પાયમાલ રહે અને ગુજરાતમાં અરવિંદ કેજરીવાલજીની સરકાર ન બને એટલા માટે ભાજપ અરવિંદ કેજરીવાલને રોકવા માટે અડચણ ઊભી કરી રહ્યું છે: ઈસુદાન ગઢવી

અમારામાં પણ એ શક્તિ છે કે મોદીજીના કાર્યક્રમમાં જઈને અમારા 20 લોકો ‘ચોર ચોર’ના નારા લગાવે પણ અમે એવી હલકી માનસિકતા નથી ધરાવતા: ઈસુદાન ગઢવી

Advertisement

મારી ગુજરાતની જનતાથી વિનંતી છે કે ભાજપ ભ્રમ ફેલાવશે, ભાજપ અત્યાચાર કરશે તેનો જવાબ મતદાન કરીને તમારે આપવાનો છે: ઈસુદાન ગઢવી

2018 માં તલાટીની પરીક્ષાના 25 લાખ ફોર્મ ભરાયા છે, કેમ હજી સુધી પરીક્ષા લેવાઈ નથી?: ઈસુદાન ગઢવી

ભાજપના લોકો એવું નથી કહેતા કે અમે તમને શિક્ષણ અને સારું આરોગ્ય આપીશું તેઓ એમ કહે છે કે અરવિંદ કેજરીવાલજી આવા છે, ઈસુદાન ગઢવી તેવા છે: ઈસુદાન ગઢવી

પાછલા 27 વર્ષથી પ્રજાએ તો જોઈ જ લીધું છે કે 50 લાખ બેરોજગાર યુવાનો છે છતાંય એક પેપર ભાજપના લોકોથી લેવાયું નથી: ઈસુદાન ગઢવી

આમ આદમી પાર્ટીની સરકાર હવે ગુજરાતમાં આવી રહી છે, ભ્રષ્ટ ભાજપ જઈ રહી છે, અને એટલે જ ભ્રષ્ટ ભાજપના નેતાઓ બોખલાઈ ગયા છે, કોઈ રેવડી કહે છે, તો કોઈ સમાજનું અપમાન કરી રહ્યું છે: ઈસુદાન ગઢવી

Advertisement

 

 

આમ આદમી પાર્ટીના નેશનલ જોઈન્ટ જનરલ સેક્રેટરી ઈસુદાન ગઢવીએ એક મહત્વપૂર્ણ મુદ્દે મીડિયાને સંબોધીને જણાવ્યું કે, આજે આખા ગુજરાતમાં અરવિંદ કેજરીવાલનું વર્ચસ્વ વધી રહ્યું છે. સમગ્ર ગુજરાતના લોકોનો વિશ્વાસ અરવિંદ કેજરીવાલપર વધી રહ્યો છે કારણ કે અરવિંદ કેજરીવાલએ દર મહિને 300 યુનિટ મફત વીજળીની, બેરોજગારી ભથ્થાની, મહિલાઓને દર મહિને 1000 રૂપિયા આપવાની, સમયસર પેપર લેવાની અને પેપર લીક અટકાવવાની જેવી અનેક ગેરેન્ટીઓ આપી છે. અને એના કારણે ગુજરાતના દરેક લોકો અરવિંદ કેજરીવાલજી સાથે જોડાઈ રહ્યા છે. આ બધી બાબતોથી ભાજપ ડરી ગયું છે અને ગુજરાતમાં અરવિંદ કેજરીવાલજી પરેશાન થાય, ગુજરાતના બાળકોને સારું શિક્ષણ ન મળે, પેપર લીક વગર પરીક્ષા ના લેવાય, બેરોજગારો બેરોજગાર જ રહે, ખેડૂતોને પૂરતા ભાવના મળે, ખેડૂતો પાયમાલ રહે અને ગુજરાતમાં અરવિંદ કેજરીવાલજીની સરકાર ન બને એટલા માટે ભાજપ અરવિંદ કેજરીવાલજીને અને આમ આદમી પાર્ટીને રોકવા માટે અડચણ ઊભી કરી રહ્યું છે.

અરવિંદ કેજરીવાલ માટે અડચણ ઊભી થાય એ માટે ગઈકાલે આમ આદમી પાર્ટીના એક સામાન્ય કાર્યકર્તા વિજય નાયરની CBIએ ધરપકડ કરી છે. સ્ટ્રેટેજી અને પ્લાનિંગનું કામ કરીને વિજય નાયરે પંજાબમાં આમ આદમી પાર્ટીને વિજય બનાવી અને ગુજરાતમાં પણ તેઓ સ્ટ્રેટેજી પ્લાનર છે અને તેમને શરાબ કાયદા સાથે કોઈ લેવાદેવા નથી, તેમની પાસે કોઈ સરકારી પદ પણ નથી. તેમના ઘરે CBI બે વખત જઈ આવી અને અત્યાર સુધી તેમના ઘરેથી કશું મળ્યું નથી. ભ્રષ્ટ ભાજપના કહેવાથી CBIના અધિકારીઓએ વિજય નાયરને એવી પણ ધમકી આપી કે “તમે મનીષ સિસોદિયાનું નામ આપી દો.” પરંતુ વિજય નાયરે આવા કોઈ દબાણમાં આવીને મનીષ સિસોદિયાનું નામ આપ્યું નહીં. અને અરવિંદ કેજરીવાલ ગુજરાતમાં આવી ન શકે, ગુજરાતના લોકોનું ભલું ન થાય, ગુજરાત ભ્રષ્ટાચાર મુક્ત ન થાય, એટલા માટે વિજય નાયરની ધરપકડ કરવામાં આવી છે. અમને પૂરો વિશ્વાસ છે કે ભ્રષ્ટ ભાજપ ગમે તેટલો CBI અને EDનો દુરુપયોગ કરે પણ આ વખત ગુજરાતની જનતાએ આમ આદમી પાર્ટીનો સાથ આપવાનું નક્કી કરી દીધું છે. હૉલ ન આપવો, દિવાલ ઉપર લાગેલા પોસ્ટરોને ચેકી મારવા, કોઈ જગ્યાએ આમ આદમી પાર્ટીના કાર્યકર્મો ન થાય, આવા ઘણા અત્યાચારો તેવો આમ આદમી પાર્ટીને રોકવા માટે કરી રહ્યા છે.

મને ભાજપના લોકો ઉપર હસી આવે છે કે અરવિંદ કેજરીવાલ આવે ત્યારે તેમના લોકોને મોકલીને ‘મોદી મોદી’ના નારા લગાવડાવે છે. તમે વિચાર કરજો કે અમારામાં પણ એ શક્તિ છે કે મોદીજીના કાર્યક્રમમાં જઈને અમારા 20 લોકો ‘ચોર ચોર’ના નારા લગાવે પણ અમે એવી હલકી માનસિકતા નથી ધરાવતા. આ બધા નાટકો દર્શાવે છે કે અરવિંદ કેજરીવાલજીની આમ આદમી પાર્ટીની સરકાર હવે ગુજરાતમાં આવી રહી છે, ભ્રષ્ટ ભાજપ જઈ રહી છે. અને એટલે જ ભ્રષ્ટ ભાજપના નેતાઓ બોખલાઈ ગયા છે. કોઈ રેવડી કહે છે, તો કોઈ કોઈ સમાજનું અપમાન કરી રહ્યું છે, કોઈ મજાક ઉડાડી રહ્યું છે.

Advertisement

ભાજપના લોકો એવું નથી કહેતા કે અમે તમને શિક્ષણ અને સારું આરોગ્ય આપીશું તેઓ એમ કહે છે કે અરવિંદ કેજરીવાલ આવા છે, ઈસુદાન ગઢવી તેવા છે, તમે જોઈ લેજો ભ્રમિત ન થતા. મારે તેમને કહેવું છે કે પાછલા 27 વર્ષથી પ્રજાએ તો જોઈ જ લીધું છે કે 50 લાખ બેરોજગાર યુવાનો છે છતાંય એક પેપર ભાજપના લોકોથી લેવાયું નથી. 2018 માં તલાટીની પરીક્ષાના 25 લાખ ફોર્મ ભરાયા છે, કેમ હજી સુધી પરીક્ષા લેવાઈ નથી? અમને ખબર જ છે કે પેપર ફૂટશે. અને એટલે જ ડિસેમ્બરમાં આમ આદમી પાર્ટીની સરકાર બન્યા બાદ ફેબ્રુઆરીમાં અમે તલાટીની પરીક્ષા લઈશું. એટલે હું તે 25 લાખ બેરોજગાર યુવાનોને અને તેમના માતા-પિતાને કહેવા માગું છું કે આમ આદમી પાર્ટીને મત આપજો તો ફેબ્રુઆરીમાં પરીક્ષા લેવાઈ જશે. મારી ગુજરાતની જનતાથી વિનંતી છે કે ભાજપ ભ્રમ ફેલાવશે, ભાજપ અત્યાચાર કરશે તેનો જવાબ મતદાન કરીને તમારે આપવાનો છે.

Continue Reading

ગાંધીનગર

વડાપ્રધાન નરેન્દ્ર મોદી 30 તારીખે બનાસકાંઠામાં ₹ 7908 કરોડના વિકાસકાર્યોનું લોકાર્પણ અને ખાતમુહૂર્ત કરશે

Published

on

30 તારીખે PM બનાસકાંઠામાં ₹ 7908 કરોડના વિકાસકાર્યોનું લોકાર્પણ અને ખાતમુહૂર્ત કરશે

વિવિધ આવાસ યોજના અંતર્ગત 61805 આવાસોનું ખાતમુહૂર્ત અને લોકાર્પણ કરવામાં આવશે

તારંગા હિલથી આબુ રોડ બ્રોડગેજ રેલવે લાઇનનું PM ભૂમિપૂજન કરશે

અંબાજી ખાતે જાહેરસભામાં લોકાર્પણ અને ખાતમૂહર્ત બાદ PM ગબ્બર ખાતે મહાઆરતીમાં ભાગ લેશે

Advertisement

વડાપ્રધાન નરેન્દ્ર મોદી 29 અને 30 સપ્ટેમ્બરે ગુજરાતની મુલાકાતે આવશે અને આ દરમિયાન તેઓ અમદાવાદ, ભાવનગર, સુરત અને બનાસકાંઠામાં વિવિધ વિકાસકાર્યોનું લોકાર્પણ અને ખાતમુહૂર્ત કરશે. વિવિધ યોજનાઓ અંતર્ગત નાગરિકોની સુખાકારી માટે, મુખ્યમંત્રી  ભૂપેન્દ્ર પટેલના નેતૃત્વમાં, છેલ્લા એક વર્ષમાં વિવિધ વિકાસકાર્યોને વેગ આપવામાં આવ્યો છે. 30 સપ્ટેમ્બરના વડાપ્રધાન બનાસકાંઠામાં હાજર રહેશે અને અહીં આવાસ, રોડ નિર્માણ તેમજ રેલવેના કુલ ₹ 7908 કરોડના વિકાસકાર્યોનું લોકાર્પણ અને ખાતમુહૂર્ત કરશે.

 

પ્રધાનમંત્રી આવાસ યોજના ગ્રામીણ અને શહેરી, પંડિત દિનદયાલ ઉપાધ્યાય આવાસ યોજના(વિકસતી જાતિ કલ્યાણ), ડૉ. આંબેડકર આવાસ યોજના, આદિજાતિ વિભાગ અને ગ્રામ ગૃહ નિર્માણ બોર્ડના કુલ ₹ 1967 કરોડના ખર્ચે બનેલા 8633 આવાસોનું ખાતમુહૂર્ત અને 53172 આવાસોનું લોકાર્પણ વડાપ્રધાનના હસ્તે કરવામાં આવશે. તે સિવાય ₹ 124 કરોડના ખર્ચે નિર્માણ પામનારા અંબાજી બાયપાસ રોડનું ખાતમુહૂર્ત અને ₹ 85 કરોડના ખર્ચે નિર્માણ પામેલા મીઠા-થરાદ-ડીસા-લાખણી રોડનું લોકાર્પણ કરવામાં આવશે.

 

નવી તારંગા હિલ – આબુ રેલવે લાઇનનું ભૂમિપૂજન
કેન્દ્ર સરકારે નવી તારંગા હિલ- આબુ રેલવે લાઇનને મંજૂરી આપી છે. તેનાથી રોજગાર નિર્માણની સાથે, નાગરિકોને પરિવહન માટે નવી સુવિધા મળશે અને વિકાસને વેગ મળશે. ₹2798 કરોડના ખર્ચે નિર્માણ થનારી આ બ્રોડગેજ રેલવે લાઇનનું વડાપ્રધાન ભૂમિપૂજન કરશે. તે સિવાય ડીસા એરફોર્સ સ્ટેશનમાં ₹1000 કરોડના ખર્ચે રનવે અને સંબંધિત ઇન્ફ્રાસ્ટ્રક્ચરનું ભૂમિપૂજન કરશે. ત્યારબાદ ₹ 1881 કરોડના ખર્ચે નિર્મિત 62.15 કિમીની પાલનપુર-મહેસાણા રેલવે લાઇનનું લોકાર્પણ કરશે.

Advertisement

અંબાજીમાં જાહેરસભા, ત્યારબાદ PM ગબ્બર મહાઆરતીમાં ભાગ લેશે
અંબાજી ખાતે જાહેરસભામાં વડાપ્રધાન દ્વારા વિકાસકાર્યોનું લોકાર્પણ કરવામાં આવશે. ત્યારબાદ તેઓ સાંજે 7થી 7.30 વાગ્યા સુધી અંબાજી મંદિરમાં પૂજા કરવા જશે. ત્યારબાદ તેઓ ગબ્બરમાં મહાઆરતીમાં ભાગ લેવા જશે. અંબાજી ખાતે પ્રસાદ યોજના અંતર્ગત ભાવિકોની સુવિધા માટે વડાપ્રધાન 53 કરોડના ખર્ચે વિવિધ વિકાસકાર્યોનું ભૂમિપૂજન કરશે.

Continue Reading

Trending