Shark Tank Indiaમાં ઘણી કંપનીઓને રોકાણ મળ્યું છે તો ઘણી પ્રોડક્ટ્સને નવી ઓળખ મળી છે. આ શોમાં આવ્યા પછી એવી ઘણી પ્રોડક્ટ્સની લોકપ્રિયતા વધી છે, જેના વિશે લોકો પહેલા કંઈ જાણતા પણ નહોતા. બીજી તરફ આ શોમાં એવી ઘણી પ્રોડક્ટ આવી છે, જેમાં યુઝર્સને એક નવો અનુભવ મળશે. આવું જ એક ગેજેટ છે Altor હેલ્મેટ, જેને શોમાં સારું રોકાણ મળ્યું છે.
Altor એક સ્માર્ટ હેલ્મેટ કંપની છે, જેણે પોતાની પ્રોડક્ટને સિક્યોરિટી અને સેફ્ટી બંનેને ધ્યાનમાં રાખીને ડિઝાઇન કરી છે. આ હેલ્મેટમાં સ્પીકર, માઇક્રોફોન, સ્વાઇપ પેડ, સ્વિચ, સેન્સર આપવામાં આવ્યું છે. કંપની આ પ્રોડક્ટને ત્રણ વર્ઝન લાઇટ, પ્રો અને અલ્ટ્રામાં ઓફર કરે છે. આ ફીચર સિક્યોરિટી અને સેફ્ટી બને માટે જરૂરી છે. ચાલો જાણીએ તેની ખાસ વાતો…
મળે છે ઘણા ફીચર્સ
તમને Altor સ્માર્ટ હેલ્મેટમાં વધુ સારો સેફ્ટી મોડ મળે છે. આ હેલ્મેટ તમને જણાવશે કે તમે તેને યોગ્ય રીતે પહેર્યું છે કે નહીં અને જો તેને યોગ્ય રીતે પહેર્યું હશે તો જ તમે તેના ફંક્શનનો ઉપયોગ કરી શકશો. તેમાં ગેસ્ચર અને ટચ ફીચર પણ ઉપલબ્ધ છે. એટલે કે તમારે ઘણા ફીચર્સનો ઉપયોગ કરવા માટે તમારા ફોનની જરૂર નહીં પડે. તેના બદલે તમે આ હેલ્મેટની મદદથી ઘણા કામ કરી શકશો.
આમાં તમને કોલ રિજેક્ટ અને એક્સેપ્ટ કરવાનું ફીચર મળે છે. સાથે જ યુઝર્સને નોટિફિકેશન અને મેસેજ મોકલવાની સુવિધા પણ મળશે. તમે આમાં ગૂગલ આસિસ્ટન્ટનો પણ ઉપયોગ કરી શકો છો. રસ્તો જોવા માટે તમારે મેપની પણ જરૂર નહીં પડે. તેના બદલે તમને આ હેલ્મેટમાં ઓડિયો નેવિગેશનનું ફીચર મળે છે.
આ સિવાય આ ડિવાઈસ બ્લૂટૂથ કનેક્ટિવિટી, સ્પીકર, ઈમરજન્સી SOS, એક્સિડન્ટ ડિટેક્શન અને એલર્ટ ફીચર સાથે આવે છે. તમે 10 થી 40 કલાક સુધી સ્માર્ટ હેલ્મેટનો ઉપયોગ કરી શકો છો. કંપનીના જણાવ્યા અનુસાર, વધુ સારા અનુભવ માટે OTA અપડેટ જારી કરવામાં આવશે
