સ્વસ્થ રહેવા માટે એ જાણવું ખૂબ જ જરૂરી છે કે તમે કઈ વસ્તુની સાથે શું ખાઓ છો. ઘણી વખત હેલ્ધી વસ્તુઓનું સેવન એટલું ફાયદાકારક નથી હતું, જેટલા વધારે પોષક તત્વો શરીરને ફૂડ કોમ્બિનેશનમાંથી મળી જાય છે. એવું જ એક ગોળ અને તલનું કોમ્બિનેશન છે, જેને સ્વાસ્થ્ય માટે ઉત્તમ છે. માનવામાં આવે છે કે, આ કોમ્બિનેશનથી રોગપ્રતિકારક શક્તિ મજબૂત બને છે. સારી વાત એ છે કે આ વસ્તુઓ રસોડામાં સરળતાથી મળી જાય છે.
આખરે ગોળ અને તલ કેમ ફાયદાકારક છે?
મીડિયા રિપોર્ટ્સ અનુસાર, તલમાં કેલ્શિયમ, મેગ્નેશિયમ, ફાઈબર, પ્રોટીન સારી માત્રામાં હોય છે. તેના સેવનથી હાર્ટ સંબંધિત અને હાડકાના રોગ ઓસ્ટિયોપોરોસિસનું જોખમ ઘટાડી શકાય છે. બીજી તરફ, ગોળ આયર્નનો સારો સ્ત્રોત છે, જેને એનિમિયાને દૂર કરવા અને પાચન માટે ફાયદાકારક માનવામાં આવે છે. આવી સ્થિતિમાં જ્યારે તમે આ બંનેને સાથે ખાશો તો તમને ફાયદો થશે. આ એક એવું કોમ્બિનેશન છે જેને જમ્યા પછી પણ ખાઈ શકાય છે.
ભોજનમાં ગોળ અને તલનો ઉપયોગ કેવી રીતે કરવો?
તમે ગોળ અને તલના લાડુ બનાવી શકો છો. સૌપ્રથમ તલને એક તપેલીમાં શેકી લો અને તેને ઠંડા થવા માટે બાજુ પર રાખો. આ પછી ગેસ પર કડાઈ મૂકી તેમાં ઘી ઉમેરીને ગરમ કરો. તેમાં ગોળ ઉમેરો અને તેને સંપૂર્ણપણે ઓગળવા દો. ગોળ ઓગળે પછી તેમાં તલ, ઈલાયચી પાવડર, છીણેલી બદામ અને કાજુ ઉમેરીને બરાબર મિક્ષ કરી લો. ઠંડુ થયા પછી આ મિશ્રણના લાડુ બનાવો. તેમને એર ટાઈટ ડબ્બામાં રાખો અને દિવસમાં એક કે બે લાડુ ખાઓ.
નોંધ- અહીં આપવામાં આવેલી જાણકારી ઘરેલું નુસ્ખા અને સામાન્ય જાણકારીઓ પર આધારિત છે. તેને અપનાવતા પહેલા ડોક્ટરની સલાહ જરૂર લો.
