Connect with us

બિઝનેસ

કમાણી કરવાનો મોટો મોકો, LIC બાદ આવશે વધુ એક IPO; જાણો શું કામ છે આ કંપની નું

Published

on

Ebixcash Ltdએ સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI) પાસે પ્રારંભિક જાહેર ઓફરીંગ (IPO) માટે ડોક્યુમેન્ટ સબમિટ કર્યા છે. કંપનીનું આઈપીઓથી 6,000 કરોડ રૂપિયા એકત્ર કરવાનું લક્ષ્ય છે. કંપની અમેરિકી બજાર નેસ્ડેક (Nasdaq)માં લિસ્ટેડ Ebix Inc (Ebixcash Inc)નું ભારતીય એકમ છે.

 

 

OFS લાવવાનો કોઈ ઈરાદો નથી

Advertisement

EbixCash દ્વારા સબમિટ કરાયેલા દસ્તાવેજો અનુસાર, કંપની આ રાશિ નવા શેર જારી કરી એકત્ર કરશે. કંપનીનો ઓફર ફોર સેલ (OFS) લાવવાનો ઇરાદો ધરાવતી નથી. આ સિવાય કંપની 1,200 કરોડ રૂપિયાના પ્રી-આઈપીઓ પ્લેસમેન્ટના વિકલ્પ પર પણ વિચાર કરી શકે છે. આ કિસ્સામાં ઇશ્યૂનું કદ ઘટાડવામાં આવશે.

 

વર્કિંગ કેપિટલ વધારશે કંપની

IPOથી એકઠી થનારી રકમનો ઉપોયગ કંપની દ્વારા તેની પેટાકંપની Ebix Travels અને Ebixcash World Moneyની વર્કિંગ કેપિટલની જરૂરિયાતોને પૂરી કરવા માટે કરવામાં આવશે.

તમને જણાવી દઈએ કે, LICના IPOને માર્કેટ રેગ્યુલેટર સેબીએ મંજૂરી આપી દીધી છે. સેબીએ આ માટે અવલોકન પત્ર(ઓબ્ઝર્વેશન લેટર) જારી કર્યો છે. સરકારે આ IPO દ્વારા 60,000 કરોડ રૂપિયા એકત્ર કરવાનો લક્ષ્યાંક રાખ્યો છે.

Advertisement

 

 

Continue Reading
Advertisement
Click to comment

Leave a Reply

Your email address will not be published.

ગાંધીનગર

ગ્રીન શિપ રિસાયક્લિંગનું હબ બનવા માટે ગુજરાત પાસે પૂરતું પોટેન્શીયલ છે : ભૂપેન્દ્ર પટેલ : મુખ્યમંત્રી

Published

on

ગ્રીન શિપ રિસાયક્લિંગનું હબ બનવા માટે ગુજરાત પાસે પૂરતું પોટેન્શીયલ છે : મુખ્યમંત્રી ભૂપેન્દ્ર પટેલ

 

વડાપ્રધાનના માર્ગદર્શનમાં ગુજરાતમાં ગ્રીન શિપ રિસાયક્લિંગ ક્ષેત્રે નવા સ્ટાર્ન્ડડ સેટ કરવાની નેમ

 

Advertisement

 

કેન્દ્ર સરકારના શિપીંગ-પોર્ટસ-વોટર વેઝ મંત્રાલય-ગુજરાત મેરિટાઇમ બોર્ડ-ફિક્કી દ્વારા સહઆયોજિત ઇન્ટરનેશનલ સેમિનાર ઓન શિપ રિસાયક્લિંગ એન્ડ વ્હીકલ સ્ક્રેપ પોલિસીનો ગાંધીનગરમાં પ્રારંભ કરાવતા મુખ્યમંત્રી કેન્દ્રીય મંત્રીશ્રી-દેશ-વિદેશના પ્રતિનિધિઓ સહભાગી :-

 

ગુજરાત પોર્ટ લેડ ડેવલપમેન્ટની રાહે આગળ વધ્યું છે

રાજ્યના નોન મેજર પોર્ટસ પરથી ર૦ર૧-રરમાં ૪૦પ મિલીયન મેટ્રીક ટન કાર્ગો પરિવહન થયું

Advertisement

સેઇફ એન્ડ સસ્ટેઇનેબલ શિપ રિસાયક્લિંગ માટે ગુજરાત મેરિટાઇમ બોર્ડ મહત્વની ભૂમિકા માટે સજ્જ કેન્દ્રીય મંત્રીશ્રી

વ્યૂહાત્મક ભૌગોલિક સ્થાન-પ્રોએક્ટીવ પોલિસીઝ તેમજ મજબૂત ઇન્ફ્રાસ્ટ્રકચરને કારણે દેશની દરિયાઇ સફળતાની ગાથામાં ગુજરાત અગ્રેસર છે

સાગરમાલા પ્રોજેક્ટ હેઠળ ગુજરાતમાં દરિયાઇ ક્ષેત્રના સમૃધ્ધ વિકાસ માટે પ્રોત્સાહન આપ્યું છે

રાજ્યમાં ૭૪ પ્રોજેક્ટસ કાર્યરત

મુખ્યમંત્રી  ભૂપેન્દ્ર પટેલે  જણાવ્યું છે કે ગ્રીન શિપ રિસાયક્લિંગનું હબ બનવા માટે ગુજરાત પાસે પૂરતું પોટેન્શ્યલ છે. ગ્રીન શિપ રિસાયક્લિંગ ક્ષેત્રે નવા સ્ટાર્ન્ડડ સેટ કરવાની ગુજરાતની નેમ છે એમ પણ તેમણે ઉમેર્યુ હતું.

Advertisement

મુખ્યમંત્રી ગાંધીનગરમાં શિપ રિસાયક્લિંગ એન્ડ વ્હીકલ સ્ક્રેપ પોલિસી અંગેના ઇન્ટરનેશનલ સેમિનારમાં મુખ્ય અતિથિ તરીકે સંબોધન કરી રહ્યા હતા.

 

ભારત સરકારના શિપીંગ, પોર્ટસ-વોટર વેઝ મંત્રાલય તેમજ ગુજરાત મેરિટાઇમ બોર્ડ અને ફેડરેશન ઓફ ઇન્ડીયન ચેમ્બર્સ ઓફ કોમર્સ એન્ડ ઇન્ડસ્ટ્રી દ્વારા આ દ્વિદિવસીય ઇન્ટરનેશનલ સેમિનાર ગાંધીનગરમાં મહાત્મા મંદિર ખાતે યોજાઇ રહ્યો છે.

 

ભારત સરકારના શીપીંગ, પોર્ટસ, વોટરવેઝ મંત્રી  સર્બાનંદ સોનોવાલ તથા રાજ્યના શિક્ષણ સાયન્સ ટેક્નોલોજી મંત્રી  જીતુભાઇ વાઘાણી તથા નોર્વે અને ડેન્માર્ક રાષ્ટ્રો સહિત ભારતના વિવિધ રાજ્યોના પ્રતિનિધિઓ આ ઇન્ટરનેશનલ સેમિનારમાં ઉપસ્થિત રહ્યા હતા.

Advertisement

 

મુખ્યમંત્રી  ભૂપેન્દ્ર પટેલે આ પ્રસંગે કહ્યું કે, દેશનો સૌથી લાંબો ૧૬૦૦ કિ.મીટરનો દરિયા કિનારો ગુજરાત ધરાવે છે. એટલું જ નહિ, મેરિટાઇમ સેક્ટરમાં પ્રાચિન કાળથી વર્તમાન સુધીનો ગુજરાતનો ઉજ્જવળ અને સુદીર્ધ ઇતિહાસ છે.

 

વડાપ્રધાન  નરેન્દ્રભાઇ મોદીના નેતૃત્વ અને માર્ગદર્શનમાં ગુજરાત પોર્ટ લેડ ડેવલપમેન્ટની રાહે આગળ વધ્યું છે. દેશનું ૪૦ ટકાથી વધારે કાર્ગો ગુજરાતના બંદરોએથી સંચાલિત કરવામાં આવે છે એમ પણ તેમણે ઉમેર્યુ હતું. ૧ મેજર તથા ૪૮ નોન મેજર પોર્ટસ ધરાવતા ગુજરાતના નોન મેજર પોર્ટસ પરથી ર૧-રર ના વર્ષમાં ૪૦પ મિલીયન મેટ્રીક ટન કાર્ગો પરિવહન થયું છે તેનો પણ મુખ્યમંત્રીશ્રીએ ગૌરવ સહ ઉલ્લેખ કર્યો હતો.

 

Advertisement

સુગ્રથિત ઇન્ફ્રાસ્ટ્રકચર અને કનેક્ટીવીટીના પરિણામે લીડસ ઇન્ડેક્ષમાં ત્રણ વર્ષથી ગુજરાત પ્રથમ રહ્યું છે.

 

આ ઉપરાંત પી.એમ ગતિશક્તિ માસ્ટર પ્લાનમાં પણ ગુજરાત ઉત્કૃષ્ટ દેખાવ કરી રહ્યું છે. દેશના ગ્રોથ એન્જીન એવા ગુજરાતમાં શિપ રિસાયક્લિંગ ઉદ્યોગોને વિકસવાનો પૂરો અવકાશ મળી રહે તેમ છે એમ મુખ્યમંત્રીશ્રીએ ઉમેર્યુ હતું.

 

મુખ્યમંત્રીએ કહ્યું કે, પહેલાં શિપ બ્રેકીંગનો જમાનો હતો હવે શીપ-રિસાયક્લિંગ અને ગ્રીન શિપ રિસાયક્લિંગનો સમય છે. વડાપ્રધાન શ્રી નરેન્દ્રભાઇ મોદીએ આને સુસંગત શિપ રિસાયક્લિંગ  એકટ-ર૦૧૯ ઘડીને દેશમાં ગ્રીન શિપ રિસાયક્લિંગ ઉદ્યોગના દ્વાર ખોલી આપ્યા છે એમ તેમણે ઉમેર્યુ હતું.

Advertisement

 

જેમ શિપ-બ્રેકીંગ, રિસાયક્લિંગ ક્ષેત્રે ગુજરાતના અલંગનો દબદબો છે તેવી જ રીતે ગ્રીન શિપ રિસાયક્લિંગમાં પણ અલંગ અગ્રેસર રહેશે.

 

શિપમાંથી નીકળતા જોખમી તથા બિનજોખમી વેસ્ટ પર્યાવરણ, માનવ સ્વાસ્થ્ય અને દરિયાઇ જીવ સૃષ્ટિને નુકશાન કરી શકે છે. આવા નુકશાનને અટકાવવા તથા સેફ એન્ડ સસ્ટેઇનેબલ શિપ રિસાયક્લિંગ માટે ગુજરાત મેરિટાઇમ બોર્ડ મહત્વની ભૂમિકા નિભાવવા સજ્જ છે એમ તેમણે ઉમેર્યુ હતું.

વડાપ્રધાનશ્રીના માર્ગદર્શનમાં રાજ્ય સરકારે અલંગને ઊંચા દરજ્જાનું ગ્રીન શિપ રિસાયક્લિંગ સેન્ટર બનાવવા કમર કસી છે.

Advertisement

વડાપ્રધાન નરેન્દ્રભાઇના નેતૃત્વમાં આઝાદીનો અમૃત મહોત્સવ ઉજવીને દેશ અમૃતકાળમાં પ્રવેશ્યો છે. આ અમૃતકાળ ભારતના શિપ રિસાયક્લિંગ અને વ્હીકલ સ્ક્રેપીંગ ઉદ્યોગોના વિકાસનો અમૃતકાળ બનશે અને આ ઇન્ટરનેશનલ સેમિનાર તેમાં ઉદ્દીપક બની રહેશે એવો વિશ્વાસ મુખ્યમંત્રીશ્રીએ દર્શાવ્યો હતો.

 

 

કેન્દ્રીય વહાણવટા મંત્રી સર્બાનંદ સોનોવાલે આ ગ્રીન શિપ રીસાયકલીંગ એન્ડ વેહીકલ સ્ક્રેપીગ આંતરરાષ્ટ્રીય કોન્ફરન્સને સંબોધતા કહ્યું કે, વડાપ્રધાન  નરેન્દ્રભાઈ મોદીના વિઝનરી નેતૃત્વ અને માર્ગદર્શન હેઠળ ભારતે વિશ્વમાં આગવી ઓળખ ઉભી કરી છે ત્યારે આપણે સૌ દેશવાસીઓ ટીમ ઈન્ડીયા બનીને સહિયારા પ્રયાસો કરશું તો ચોકકસ ભારત સર્વશ્રેષ્ઠ બનશે.

 

Advertisement

કેન્દ્રીય વહાણવટા મંત્રી  સર્બાનંદ સોનોવાલે એ ગ્રીન શિપ રીસાયકલીંગ એન્ડ વેહીકલ સ્ક્રેપીગ આંતરરાષ્ટ્રીય કોન્ફરન્સના આયોજન માટે ટીમ ગુજરાતને અભિનંદન આપતા કહ્યું કે, ગુજરાત ૧૬૦૦ કિ.મી દરિયા કિનારા સાથે વ્યવસાયિક ક્ષેત્રે ભારતનો ગેટ-વે છે અને ગુજરાત હવે વિશ્વનું પસંદ કરેલ દરિયાઇ સ્થળોમાંનું એક છે. તે ૪૦ ટકા ભારતના કાર્ગોથી વધુ સંભાળે છે અને પોર્ટ ક્ષેત્રના ખાનગીકરણ માટે ભારતમાં પ્રથમ સ્થાને છે. ગુજરાત બધા મુખ્ય પોર્ટ-આધારિત વેપાર માર્ગો અને વિશ્વના મુખ્ય વેપાર કેન્દ્રોને બહેતર રોડ, રેલ અને એર કનેક્ટિવિટી સાથે સારી રીતે જોડાયેલું છે, આમ વિશાળ આંતરરાષ્ટ્રીય વેપાર તકો પ્રદાન કરે છે.

 

તેમણે કહ્યું કે, ભારતના પશ્ચિમ કિનારે તેના વ્યૂહાત્મક ભૌગોલિક સ્થાનના આધારે, પ્રોએક્ટિવ પોલિસીઝ અને પહેલ તેમજ મજબૂત ઔદ્યોગિક અને સપોર્ટ ઇન્ફ્રાસ્ટ્રક્ચરના કારણે ગુજરાત ભારતની દરિયાઇ સફળતાની વાર્તાના ધ્વજ ધારક તરીકે ઉભરી આવ્યું છે.

 

તેમણે ઉમેર્યું કે, સાગરમાલા પ્રોજેકટ એ પોર્ટ્સ, શિપિંગ અને જળમાર્ગ મંત્રાલયનો ફ્લેગશિપ કાર્યક્રમ છે. છેલ્લા સાત વર્ષમાં સાગરમાલા પ્રોજેકટ હેઠળ અનેક નવીન પહેલ કેન્દ્ર સરકારે હાથ ધરી છે જેમાં ઇન્ફ્રાસ્ટ્રક્ચર આધુનિકીકરણ દ્વારા પોર્ટ્સની ક્ષમતા વધારવા અને પોર્ટ્સની કનેક્ટિવિટીમાં વધારો કરવા માટે બંદરોની એકંદર ઓપરેશનલ ખર્ચ ઘટાડવા,વાહનો માટે ટર્ન અરાઉન્ડ સમય ઘટાડવા, કાર્યક્ષમતા અને થ્રુપુટને ઘટાડવામાં મદદ મળી છે મોટા જહાજોને હેન્ડલ કરવાની ક્ષમતા, અને દક્ષિણ એશિયાના પ્રદેશમાં ભારતીય બંદરોના વ્યૂહાત્મક મહત્વ વિકસાવવાની ક્ષમતા જેવા પગલાંઓને પરિણામે વર્ષ ૨૦૨૧-૨૨માં ૪૦૦ અબજ ડોલરની માલ નિકાસ સાથે રેકોર્ડ પ્રાપ્ત કર્યો છે.

Advertisement

 

સાગરમાલા પ્રોજેકટ હેઠળ ગુજરાતમાં સમૃદ્ધ દરિયાઇ ક્ષેત્રના વિકાસ માટે અનેરૂ પ્રોત્સાહન આપ્યું છે જેમાં પોર્ટ આધુનિકીકરણ, રેલ, રોડ, ક્રુઝ ટુરિઝમ, રો-રો અને પેસેન્જર જેટીઝ, મત્સ્યઉદ્યોગ, તટવર્તી ઇન્ફ્રાસ્ટ્રક્ચર, કૌશલ્ય વિકાસ, વગેરે જેવી વિવિધ કેટેગરીઝ હેઠળ પ્રોજેક્ટ્સ હાથ ધરવામાં આવી રહ્યા છે. રાજયમાં રૂ. ૫૭,૦૦૦ કરોડના ૭૪ પ્રોજેક્ટ્સ કાર્યરત છે જેમાંથી રૂ. ૯૦૦૦ કરોડના ૧૫ પ્રોજેક્ટ્સ પૂર્ણ થઈ ગયા છે. રૂ. ૨૫,૦૦૦ કરોડના ૩૩ પ્રોજેકટ અમલીકરણ હેઠળ છે અને રૂ. ૨૨,૭૦૦ કરોડના ૨૬ પ્રોજેક્ટ્સ વિવિધ તબક્કે પ્રગતિ હેઠળ છે.

 

,દરિયાઇ ભારત વિઝન ૨૦૩૦ના વિઝનને સાકાર કરવા માટે ગુજરાતે ઘોઘા-હઝીરા વચ્ચેની રોપેક્ષ સર્વીસની સેવાઓ શરૂ કરી દીધી છે જેના પરિણામે પૂર્વ અને પશ્ચિમ બાજુના વચ્ચેનું અંતર ઘટ્યું છે. ખંભાત-પીપાવાવ અને દ્વારકા વચ્ચે રો પેક્સ સુવિધા માટેના કામ મંજૂર કરવામાં આવ્યું છે જેના પરિણામે નાગરિકોના સમયની સાથે ઈંધણની બચત થશે અને પર્યાવરણના જતન સાથે પરિવહનની ઉત્તમ સેવાઓ ઉપલબ્ધ બનશે તેમ  તેમણે ઉમેર્યું હતું.

 

Advertisement

તેમણે ઉમેર્યું કે, સાગરમાલા પ્રોગ્રામ હેઠળ, તટવર્તી પ્રવાસનને પ્રોત્સાહન આપવા માટે, નેશનલ મેરિટાઇમ હેરિટેજ મ્યુઝિયમ કૉમ્પ્લેક્સ લોથલ પર ૫૦૦૦ વર્ષીય મેરિટાઇમ હેરિટેજનું પ્રદર્શનનું નિર્માણ કરાશે. ગુજરાત રાજ્યમાં આઇકોનિક સ્થળોને કનેક્ટ કરવા માટે વધુ સીપ્લેન સેવાઓ પણ અમલમાં આવી રહી છે તેમ તેમણે ઉમેર્યું હતું

 

ભારત શિપ બ્રેકીંગ અને રિસાયક્લિંગ માટે શ્રેષ્ઠ સ્થળ છે. ગુજરાતમાં શિપ રિસાયક્લિંગની કામગીરી ૧૯૮૩ થી  એલાંગ-સોસિયામાં શરૂ થઈ છે. ૧૦ કિ.મી. તટવર્તી દરિયા કિનારા પર ૧૫૩ પ્લોટ પર દર વર્ષે ૨૦૦ થી વધુ જહાજોનું રિસાયક્લિંગ કરીને દર વર્ષે ૩.૫ મિલિયન ટન સ્ટીલનું ઉત્પાદન કુદરતી સંસાધનોને નુકસાન કર્યા વગર કરે છે. શિપ રિસાયક્લિંગ ઉદ્યોગ આશરે ૧૫૦૦૦ વ્યક્તિઓને સીધા અને લગભગ ૧.૫ લાખ વ્યક્તિઓને રોજગારી આપે છે. યાર્ડની ક્ષમતાને બમણી કરવાની સૂચિત વિસ્તરણ યોજના સાથે, રોજગારની તકો પણ બમણી થઈ જશે, જે સમગ્ર પ્રદેશમાં વધુ આર્થિક સમૃદ્ધિ લાવશે.

 

શિપીંગ ક્ષેત્રના સર્વાગી વિકાસ માટેની રાજય સરકારની હકારાત્મક નીતિઓને પરિણામે ગુજરાતમાં એક પ્રાદેશિક ટ્રાંસપ્શીપમેન્ટ ટર્મિનલ પણ વિકસિત થઈ શકે છે એવો વિશ્વાસ વ્યકત કર્યો હતો. હબ અને સ્પૉક મોડેલને સેવા આપવા માટે પ્રાદેશિક દેશોના સહકાર સાથે આ વિકાસ થઈ શકે છે.

Advertisement

 

ચબહર બંદર પડોશમાં ભારતના દરિયાઇ સહકારને દર્શાવવા માટે એક મહત્વપૂર્ણ ઉદાહરણ છે. ભારતના ખાનગી ક્ષેત્રે મેરિટાઇમ ઇન્ફ્રાસ્ટ્રક્ચરમાં તેની ક્ષમતા દર્શાવી છે, જે અન્ય દેશોમાં આ ક્ષેત્રમાં રોકાણની સુવિધા દ્વારા વધુને દૂર કરી શકાય છે.

 

શિપિંગના ડાયરેકટર જનરલ  અમિતાભકુમારે કહ્યુ હતું કે, જો શિપિંગ નહીં હોય તો અડધું વિશ્વ ફ્રીઝ થઈ જશે. ગ્લોબલ સપ્લાય ચેઇનને મેઇન્ટટેઇન કરવા માટે વિશ્વને શિપ્સની જરૂર છે. ભારતમાં પણ લગભગ ૯૫ ટકા જેટલો વ્યાપાર શિપિંગ (વહાણો) દ્વારા થતો હોય છે. દરિયાના મોજાઓ ક્યારેય થાકતા નથી, તે સતત વહાણો પર અથડાયા કરતા હોય છે, અને તેનો અર્થ એ છે કે આ વહાણોને સતત રાઉન્ડ ધ ક્લોક જાણવણી અને નિયમિત રિપેરિંગની જરૂર પડે છે એટલે જ જરૂરી છે કે વહાણોનું સમયસર એસેસમેન્ટ કરવામાં આવે છે અને દરિયાના મોજાથી તેની મજબૂતીને થતા નુકસાનનું સમયાંતરે એનાલિસિસ કરવામાં આવે, કારણકે, દરરોજની મુસાફરી ખેડતા વહાણોને થયેલા નુકસાનની આકારણીની ન થાય તો એવા વહાણોમાં ભવિષ્યની દરિયાઇ સફર કરવી સુરક્ષિત નથી.

 

Advertisement

તેમણે કહ્યું હતુ કે, ઇન્ટરનેશનલ મેરિટાઇમ ઓર્ગેનાઇઝેશન, જે યુનાઇટેડ નેશન્સની સ્પેશિયલાઇઝ્ડ ઇન્ટરનેશનલ રેગ્યુલેટરી એજન્સી છે, તેણે વહાણોને રેગ્યુલેટ કરવા માટે વહાણોના નિર્માણથી માંડીને તેમના ડિસ્ટ્રક્શન સુધીના સ્ટેજ માટે પર્યાવરણીય રીતે સસ્ટેનેબલ હોય તેવા મલ્ટિપલ કન્વેસન્શન્સ ડેવલપ કર્યા છે. IMO કન્વેન્શન્સના સખ્ત અમલીકરણ માટેનો ભારતનો ઘણો લાંબો ઇતિહાસ રહ્યો છે. એ વાતમાં કોઈ નવાઇ નથી કે ૨૮ નવેમ્બર,૨૦૧૯ના રોજ હોંગકોંગ કન્વેન્શનને બહાલી આપવા માટે ભારત સૌથી મોટો શિપ રિસાયકલિંગ દેશ બન્યો અને ૧૩ ડિસેમ્બર, ૨૦૧૯ના રોજ રિસાયકલિંગ ઑફ શિપ્સ ઍક્ટ લાગુ કર્યો. હોંગકોંગ કન્વેન્શન હેઠળની એક્ઝમ્પ્ટેડ કેટેગરી અંતર્ગત આવતા વહાણોને ભારતીય કાયદાના દાયરામાં પણ રાખવામાં આવ્યા છે, જેથી એ સુનિશ્ચિત કરી શકાય કે આ વહાણો સુરક્ષિત છે અને તેનું રિસાયકલિંગ પર્યાવરણને અનુકૂળ છે.

 

તેમણે કહ્યું કે, હોંગકોંગ સંમેલનના નિયમનકારી માળખાની સ્થાપના એ પોતાનામાં એક પડકાર છે કારણ કે તેને દેશની વિવિધ નિયમનકારી એજન્સીઓ વચ્ચે સંકલનની જરૂર છે. યુરોપિયન યુનિયન દ્વારા નિર્ધારિત વધુ પ્રિસ્ક્રિપ્ટિવ ધોરણો અને બિન OECD દેશો માટે ૨૦૧૯ બેઝલ બેન એમેન્ડમેન્ટ દ્વારા લાદવામાં આવેલા પ્રતિબંધને કારણે આ પડકાર આંતરરાષ્ટ્રીય સ્તરે વધુ જટિલ બન્યો છે. ભારતે સકારાત્મક અભિગમ અપનાવ્યો છે અને તેના રાષ્ટ્રીય કાયદામાં EUSSR ૧૨૫૭ની જરૂરિયાતને અપનાવી છે જેથી ભારતના શિપ રિસાયકલર્સને EU ની શિપ મંજૂર રિસાયક્લિનિંગ સુવિધાઓની સૂચિ હેઠળ સૂચિબદ્ધ કરવામાં સક્ષમ બનાવવામાં આવે. ભારત યુરોપિયન માલિકીના જહાજોમાં શિપ રિસાયક્લિંગમાં ઊંડો રસ વ્યક્ત કર્યો છે. આજના આ અવસરે આપણે સૌએ આ સમસ્યાને ઉકેલવા માટે આગેવાની લેવાની જરૂર છે તેમ તેમણે ઉમેર્યું હતું.

 

બંદરો અને વાહન વ્યવહાર વિભાગના અધિક મુખ્ય સચિવ એમ. કે. દાસે કોન્ફરન્સ વિશે વિગતવાર પ્રેઝન્ટેશન રજૂ કરતા જણાવ્યું હતું કે, ગુજરાત એ ભારતના વિકાસનું ગ્રોથ એન્જિન છે. છેલ્લાં દસ વર્ષથી ગુજરાતનો જીડીપી ૭.૫ થી ૮.૫ ટકા વચ્ચે રહ્યો છે તે રાજ્યનો સર્વાંગી વિકાસ દર્શાવે છે. ભારતને પાંચ ટ્રિલીયન ડોલરની ઇકોનોમી બનાવવાના વડાપ્રધાનશ્રીના સ્વપ્નને પૂર્ણ કરવામાં ગુજરાત ખૂબ જ મહત્વની ભૂમિકા ભજવી રહ્યું છે. ગુજરાત ઔદ્યોગિક વિકાસ અને નિકાસમાં અગ્રેસર છે. ભારતમાં સૌથી વધુ ૧૬૦૦ કિલોમીટરનો દરિયા કિનારો ગુજરાત ધરાવે છે જે સમગ્ર દેશનો ૨૧ ટકા થાય છે.

Advertisement

તેમણે કહ્યું હતું કે ગુજરાત વર્ષોથી વિશ્વના દેશો સાથે દરિયાઈ વેપાર કરતું આવ્યું છે. સુરતનો ચૌર્યાંશી તાલુકો જે વિશ્વના ૮૪ દેશો સાથે સમુદ્રી વેપારના માધ્યમથી જોડાયેલો હતો જે તેનું ઉત્તમ ઉદાહરણ છે. ગુજરાતમાં અત્યારે ૪૮ નાના અને ૧ મોટું બંદર કાર્યરત છે.

 

આગામી સમયમાં છારા અને જાફરાબાદને ગ્રીનફિલ્ડ બંદરો તરીકે વિકસાવવામાં આવશે. ભારતમાં સૌપ્રથમ વર્ષ ૧૯૮૨માં સ્વાયત મેરી ટાઈમ બોર્ડની સ્થાપના ગુજરાતમાં કરવામાં આવી હતી. ગુજરાતમાં આજે કેમિકલ પોર્ટ, કન્ટેનર પોર્ટ, અલંગ રિસાયક્લિંગ પોર્ટ જ્યારે આગામી સમયમાં પ્રથમ સીએનજી પોર્ટ પણ બનવા જઈ રહ્યું છે.

 

વર્ષ ૧૯૮૩માં ભાવનગરના અલંગ શિપ બ્રેકિંગ યાર્ડમાં માત્ર ૧૦ પ્લોટ હતા જ્યારે અત્યારે ૧૩૧ પ્લોટ કાર્યરત છે. અલંગ ખાતે અત્યારે વિશ્વકક્ષાના માપદંડ અને પર્યાવરણને ધ્યાને રાખીને જહાજ તોડવાની કામગીરી કરવામાં આવી રહી છે. આગામી વર્ષોમાં અલંગ શિપ બ્રેકિંગ યાર્ડનો બે તબક્કામાં વિકાસ કરાશે તેની વિગતો રજૂ કરી હતી. અલંગ ખાતે વૈશ્વિકકક્ષાની ગ્રીન શિપ રિસાયક્લિંગ એન્ડ વ્હીકલ્સ સ્ક્રેપિંગની સુવિધા ઉપલબ્ધ કરાવવામાં આવશે.

Advertisement

 

વિશ્વમાં શિપ બ્રેકિંગનો ૩૦ ટકા હિસ્સો ગુજરાત ધરાવે છે ત્યારે, આ ગ્રીન શિપ રિસાયકલિંગ એન્ડ વ્હિકલ સ્ક્રેપિંગ કોન્ફરન્સના આયોજનથી ગુજરાતનું અલંગ આ ક્ષેત્રે હબ બનશે એમ પણ ઉમેર્યું હતું.

 

ફિક્કી ગુજરાતના ચેરપર્સન  ગીતા ગોરડીયાએ કહ્યું કે, ભારત એ વિશ્વના પાંચ મુખ્ય શિપ રિસાયક્લિંગ રાષ્ટ્રોમાંનું એક છે. ભારત વિશ્વની સૌથી મોટી શિપ-બ્રેકિંગ સુવિધાઓનું ઘર છે.  ભારત ૧૦ કિલોમીટરના પટમાં ૧૫૦ યાર્ડ્સ સાથે દર વર્ષે લગભગ ૬.૨ મિલિયન ગ્રોસ ટન સ્ક્રેપ – જે વૈશ્વિક સ્તરે કુલ સ્ક્રેપેજ ટનના ૩૩ ટકા જેટલો હિસ્સો ધરાવે છે. ભારતે ૨૦૧૮ માં લગભગ પાંચ મિલિયન ગ્રોસ ટનનું સંચાલન કર્યું છે. જે આશરે એક ક્વાર્ટર જેટલો હિસ્સો છે.

 

Advertisement

, વિશ્વનો જહાજ રિસાયક્લિંગ ઉદ્યોગ મોટાભાગે દક્ષિણ એશિયામાં કેન્દ્રિત છે. ભારત શિપ-રિસાયક્લિંગ માટે અગ્રણી બજાર છે.  અત્રે નોંધવું યોગ્ય છે કે ગુજરાતમાં અલંગ-સોસિયા શિપબ્રેકિંગ યાર્ડ દર વર્ષે ૪૫૦ થી વધુ જહાજોને હેન્ડલ કરવાની ક્ષમતા ધરાવે છે.

 

ભારત હવે હોંગકોંગ સંમેલન પર હસ્તાક્ષર કરનાર રાષ્ટ્ર બનવાની સાથે, અલંગ-સોસિયામાં ૧૫૩ યાર્ડ્સમાંથી ૧૧૪ યાર્ડ HKC અનુરૂપ બની ગયા છે. દેશ હવે સુરક્ષિત, ગ્રીન અને પર્યાવરણને અનુકૂળ શિપ રિસાયક્લિંગ માટે વૈશ્વિક ધોરણોને અનુસરવા માટે તૈયાર છે.

 

વૈશ્વિક અગ્રણી કંપનીઓ હવે ભારતને જહાજ રિસાયક્લિંગના મુખ્ય સ્થળોમાંના એક તરીકે જોઈ રહી છે. હજુ અહીં વધુ વિકાસ સાધી રિસાયક્લિંગ ઉદ્યોગમાં એક જબરદસ્ત વૃદ્ધિની કલ્પના કરી છે. ઉપરાંત દેશની જીડીપીમાં નોંધપાત્ર યોગદાન આપી રહેલા વ્યવસાયના વિકાસને જોઈએ છીએ જે ચોક્કસપણે ૨૦૨૫ સુધીમાં પાંચ ટ્રિલિયન ડોલરની અર્થવ્યવસ્થા અને યુવાનો માટે રોજગારની તકો ઊભી કરવા માટે ભવિષ્યનું એક મહત્વપૂર્ણ પગલું માનવામાં આવે છે જે આપણા માનનીય વડાપ્રધાન શ્રી નરેન્દ્રભાઇ મોદીની કલ્પના છે.

Advertisement

 

ગૌણ સ્ટીલ બજાર એ જહાજ રિસાયક્લિંગ ઉદ્યોગના અન્ય સકારાત્મક લાભાર્થી છે તેમ જણાવતા તેમણે ઉમેર્યું કે,  દેશની ગૌણ સ્ટીલની લગભગ ૧૦ ટકા જરૂરિયાતો હવે ઇકો-ફ્રેન્ડલી રીતે પૂરી કરવામાં આવશે. જેના લીધે રિ-રોલિંગ ઉદ્યોગોને વધુ પ્રોત્સાહન મળશે, જે બદલામાં ફર્નિચર વ્યવસાય અને અન્ય ડાઉનસ્ટ્રીમ ઉદ્યોગોને મદદ કરશે. પરિણામે  પરોક્ષ રોજગારને પણ વેગ મળશે અને આશરે ૧.૫ લાખ થી ૨ લાખ નોકરીઓનું સર્જન થશે.

 

૨૦૨૪ સુધીમાં ભારતની જહાજ રિસાયક્લિંગ ક્ષમતા વધીને નવ મિલિયન ગ્રોસ ટન થી પણ વધુ થશે.  ઘણા શિપ રિસાયક્લિંગ યાર્ડ્સે EU સૂચિમાં સમાવેશ માટે અરજી કરી છે. ભારતીય યાર્ડની આ ગતિશીલ ક્રિયાઓ રિસાયક્લિંગ ઉદ્યોગમાં માર્કેટ લીડર તરીકે ભારતની સ્થિતિને વધુ મજબૂત કરવામાં ફાળો આપશે.

 

Advertisement

, ૧૩મી ઓગસ્ટ ૨૦૨૧ના રોજ વડાપ્રધાન દ્વારા શરૂ કરવામાં આવેલ સ્વૈચ્છિક ફ્લીટ આધુનિકીકરણ કાર્યક્રમ અને તેના અમલીકરણ માટે ગુજરાતને મોડેલ રાજ્ય તરીકે પસંદ કરવાથી ગુજરાત વ્હીકલ સ્ક્રેપિંગ હબ બનવા તરફ આગળ વધશે. આ કોન્ફરન્સ ગુજરાત માટે વાહન સ્ક્રેપિંગમાં પણ અગ્રેસર થવાનો માર્ગ મોકળો કરશે તેવો તેમણે વિશ્વાસ વ્યક્ત કર્યો હતો.

 

મુખ્યમંત્રીના સચિવ અને ગુજરાત મેરિટાઈમ બોર્ડના વાઈસ ચેરમેન એન્ડ CEO  અવંતિકા સિંઘ ઔલખે જણાવ્યું હતું કે, ગ્રીન શિપ રીસાયક્લિંગ એન્ડ વ્હિકલ સ્ક્રેપિંગ અંગેની આ બેદિવસીય ઈન્ટરનેશનલ કોન્ફરન્સ વડાપ્રધાન  નરેન્દ્રભાઈ મોદીના આત્મનિર્ભર ભારતના સ્વપ્નને સાકાર કરવામાં મહત્વની ભૂમિકા ભજવશે.

 

આ કોન્ફરન્સમાં શિક્ષણ મંત્રી  જીતુભાઈ વાઘાણી, મુખ્યમંત્રીના મુખ્ય અગ્ર સચિવ  કે. કૈલાશનાથન, મુખ્ય સચિવ  પંકજકુમાર, બંદરો, વહાણવટા અને જળમાર્ગ મંત્રાલયના અધિક સચિવ  રાજેશકુમાર સિંહા, સંયુક્ત સચિવ વિક્રમસિંઘ, દૂતાવાસના અધિકારીઓ, શિપબ્રેકિંગ સાથે જોડાયેલાં ઉદ્યોગ સાહસિકો, ગુજરાત-કેન્દ્ર સરકારના વિવિધ વિભાગોના ઉચ્ચ અધિકારીશ્રીઓ, પર્યાવરણવિદો ઉપસ્થિત રહ્યાં હતા.

Advertisement

Continue Reading

ગાંધીનગર

કૃષિ-પશુપાલન સહિત રાજ્યના સર્વગ્રાહી વિકાસનો મજબૂત પાયો  નરેન્દ્ર મોદીના દ્રષ્ટિવંત નેતૃત્વમાં નંખાયો છે

Published

on

ગાંધીનગરમાં એગ્રી એશિયા-ર૦રર પ્રદર્શન ખૂલ્લું મુકતા મુખ્યમંત્રી ભૂપેન્દ્ર પટેલ

કેન્દ્રીય પશુપાલન-ડેરી વિકાસ રાજ્યમંત્રી પરષોત્તમ રૂપાલાની પ્રેરક ઉપસ્થિતી :-

જર્મની પેવેલિયન-પ્રાકૃતિક ખેતી વિષયક પેવેલિયન-ગોબરધન અને રાજ્ય-કેન્દ્ર સરકારની કૃષિ કલ્યાણ યોજનાઓનું વિશેષ પેવેલિયન પ્રદર્શનના મુખ્ય આકર્ષણો

ખેતીમાં ટેક્નોલોજીયુકત અભિગમથી પાકવૃદ્ધિ અને કિસાન સમૃદ્ધિની વડાપ્રધાન  નરેન્દ્ર મોદીની નેમમાં ગુજરાત ખેતીને પ્રાથમિકતા આપી અગ્રેસર છે મુખ્યમંત્રી-

Advertisement

કૃષિ-પશુપાલન સહિત રાજ્યના સર્વગ્રાહી વિકાસનો મજબૂત પાયો  નરેન્દ્રભાઇ મોદીના દ્રષ્ટિવંત નેતૃત્વમાં નંખાયો છે

કેન્દ્રીય મંત્રી

ભારતમાં કૃષિ અને પશુપાલન વર્ષોથી એકબીજાના પૂરક રહ્યા છે ત્યારે ‘એગ્રી એશિયા પ્રદર્શન’ તેમાં વધુ પ્રોત્સાહક બળ પૂરું પાડશે રૂપાલા કેન્દ્રીય મંત્રી

ભારતીય અર્થવ્યવસ્થા વધુ મજબૂત બનાવવા ગુજરાતની ભૂમિકા પણ મહત્વપૂર્ણ છે

મુખ્યમંત્રી ભૂપેન્દ્ર પટેલે ગાંધીનગરમાં ૧૧માં એગ્રી એશિયા પ્રદર્શનને ખૂલ્લું મુકતાં સ્પષ્ટપણે જણાવ્યું કે, ખેતીમાં સમયાનુકુલ અદ્યતન ટેક્નોલોજીના ઉપયોગથી પાકવૃદ્ધિ અને કિસાન સમૃદ્ધિની વડાપ્રધાન  નરેન્દ્રભાઇ મોદીની નેમ સાકાર કરવામાં ગુજરાત ખેતીને પ્રાથમિકતા આપીને અગ્રેસર રહ્યું છે.
ખેડૂતોની આવક બમણી કરી કૃષિ અર્થતંત્રને મજબૂત બનાવવા વડાપ્રધાને જે કિસાન હિતકારી યોજનાઓ દેશને આપી છે તેનો સુચારૂ અમલ ગુજરાતમાં થઇ રહ્યો છે.
મુખ્યમંત્રીએ જણાવ્યું કે, વડાપ્રધાન નરેન્દ્રભાઇ મોદીએ ગુજરાતમાં ખેતી, ગામડુ, છેવાડાના માનવીના સર્વગ્રાહી વિકાસ માટેનો મજબૂત પાયો નાંખ્યો છે. ગુજરાત આજે કૃષિ, ઉદ્યોગ, એક્સપોર્ટ, નાણાંકીય વ્યવસ્થાપન, કોવિડ મેનેજમેન્ટ સહિત સર્વાંગી ક્ષેત્રે દેશમાં રોલમોડેલ બન્યું છે તેના મૂળમાં નરેન્દ્રભાઇ મોદીએ આપેલી વિકાસની રાજનીતિ અને સૌના કલ્યાણનો મંત્ર છે તેમ તેમણે ઉમેર્યુ હતું.

Advertisement

ભૂપેન્દ્ર પટેલે જણાવ્યું કે, ખેતી ક્ષેત્રે ટેક્નોલોજીનો ઉપયોગ થાય તે સાથે પોષણયુકત ખેતી માટે નેચરલ ફાર્મીંગ-પ્રાકૃતિક ખેતીનો પણ વ્યૂહ સરકારે અપનાવ્યો છે. રાજ્ય સરકાર પ્રાકૃતિક ખેતીને પ્રોત્સાહન આપવા ઉપરાંત ડ્રોન ટેક્નોલોજીના ઉપયોગથી ખેતી ક્ષેત્રના સમ્યક વિકાસ માટે ખેતીને પ્રાથમિકતા આપે છે તેમ તેમણે જણાવ્યું હતું.
મુખ્યમંત્રીએ કહ્યું કે, ગુજરાતે કૃષિક્રાંતિ, વાયબ્રન્ટ સમિટથી ઔદ્યોગિક રોકાણોની વ્યાપક સફળતા, એફ.ડી.આઇ મેળવવામાં અગ્રીમસ્થાન અને નીતિ આયોગના ગુડગર્વનન્સ તેમજ ફાયનાન્સિયલ મેનેજમેન્ટ ઇન્ડેક્ષમાં અગ્રેસર રહેવાની પરંપરા પ્રધાનમંત્રી  નરેન્દ્રભાઇના નેતૃત્વ અને માર્ગદર્શનમાં જાળવી રાખી છે.
ભૂપેન્દ્ર પટેલે એમ પણ જણાવ્યું કે, રાજ્યના ખેડૂતોને વિશ્વના પ્રવાહ અનુરૂપ પાક પદ્ધતિ અને કૃષિ જ્ઞાન-વિજ્ઞાન ઘર આંગણે પૂરા પાડવામાં આવા પ્રદર્શનો ઉપકારી બનશે.
તેમણે પ્રદર્શનીના જર્મની પેવેલિયન, પ્રાકૃતિક ખેતી વિષયક પેવેલિયન-ડ્રોન પેવેલિયન સહિતના વિવિધ પેવેલિયન અને સ્ટોલ્સની મુલાકાત પણ લીધી હતી.
મત્સ્યોદ્યોગ પશુપાલન અને ડેરી વિભાગના કેન્દ્રીય મંત્રી પરશોત્તમ રૂપાલાએ આ ‘એગ્રી એશિયા’ના ઉદ્ઘાટન પ્રસંગે જણાવ્યું હતું કે, ભારતમાં કૃષિ અને પશુપાલન વર્ષોથી એકબીજાના પૂરક રહ્યા છે ત્યારે આ ત્રિદિવસીય એગ્રી એશિયા અને ૯મું પશુપાલન-ડેરી ટેકનોલોજી પ્રદર્શન તેમાં વધુ પ્રોત્સાહક બળ પૂરું પાડશે.
કોરોનાના કારણે વૈશ્વિક મંદીના માહોલમાં પણ વડાપ્રધાન  નરેન્દ્રભાઈ મોદીના સબળ નેતૃત્વમાં ભારત આજે વિશ્વની પાંચમી મોટી અર્થવ્યવસ્થા બની છે. ભારતીય અર્થ વ્યવસ્થાને વધુ મજબૂત બનાવવા ગુજરાતની ભૂમિકા પણ અગત્યની રહી છે.
મુખ્યમંત્રી ભૂપેન્દ્રભાઈ પટેલ સરકારની પશુપાલન હિતલક્ષી નીતિઓ તેમજ પશુપાલકોના પરિશ્રમને પરિણામે ગુજરાતના પશુપાલકો આજે દૈનિક રૂપિયા ૧૫૦ કરોડની માતબર રકમનું દૂધ ભરાવી રહ્યા છે જે દૂધ સહકારી ક્ષેત્રે એક મોટી સિદ્ધિ છે. તેમ રૂપાલાએ જણાવ્યું હતું.
, વડાપ્રધાન નરેન્દ્રભાઈ મોદી જ્યારે ગુજરાતના મુખ્યમંત્રી હતા ત્યારે તેમણે સૌપ્રથમ ગુજરાતમાં પશુપાલન સાથે જોડાયેલી કામધેનું યુનિવર્સિટીની સ્થાપના અને કૃષિ મહોત્સવ થકી દેશને પશુપાલન અને કૃષિ સંશોધન ક્ષેત્રે નવી દિશા આપી છે. કેન્દ્ર અને ગુજરાત સરકારના સંયુક્ત પ્રયાસોથી રાજ્યના ખેડૂતોને ઝીરો ટકાએ કૃષિ ધિરાણ આપવામાં આવે છે.
વડાપ્રધાનના માર્ગદર્શનમાં ભારતભરના ખેડૂતો આજે ડ્રોન ટેકનોલોજી થકી ખેતી કરતાં થયાં છે તેમાં પણ ગુજરાત સરકારે ખેડૂતોને ડ્રોન થકી ખેતીમાં દવાના છંટકાવ પર સબસિડી આપીને દેશને નવો રાહ ચિંધ્યો છે.
કૃષિ-પશુપાલન સંબંધિત વિવિધ સ્ટોલ્સની મુલાકાત તેમજ વિવિધ સેમિનારમાં સહભાગી થવા કેન્દ્રીય મંત્રીએ ઉપસ્થિત ખેડૂત ભાઈ-બહેનોને અનુરોધ કરીને આ સુંદર આયોજન બદલ મુખ્યમંત્રી સહિત અધિકારીઓ અને આયોજકોને અભિનંદન આપ્યાં હતા.
આ પ્રસંગે GPDFAના ચેરમેન ડૉ. ભરતભાઈ પટેલે સ્વાગત પ્રવચન કરીને તા. ૯ સપ્ટેમ્બરથી શરૂ થયેલાં ત્રિદિવસીય ૧૧માં એગ્રી એશિયા અને ૯માં પશુપાલન-ડેરી ટેકનોલોજી પ્રદર્શનની વિસ્તૃત રૂપરેખા આપી હતી.
આ પ્રદર્શનમાં કૃષિ, ખેડૂત કલ્યાણ અને સહકાર વિભાગ અંતર્ગત પ્રાકૃતિક કૃષિ થીમના આધારિત પેવેલિયનની સાથેસાથે અમૂલ ઓર્ગેનિક ફર્ટિલાઈઝર્સ, ઈફકો, GGRC સહિત કૃષિ અને પશુપાલન સંબંધિત ટેકનોલોજી આધારિત વિવિધ કંપનીઓના સ્ટોલ્સનો આ પ્રદર્શનમાં સમાવેશ થાય છે.
આ એક્ઝિબિશન પ્રારંભ પ્રસંગે GCMMFના ચેરમેન શામળભાઈ પટેલ, પૂર્વ મંત્રી અને બનાસ ડેરીના ચેરમેન શંકરભાઈ ચૌધરી, મહારાષ્ટ્રના સાંસદ ડૉ. અનિલ, ગુજરાત એગ્રોના પૂર્વ ચેરમેન બાબુભાઈ જેબલિયા, પ્રદર્શનમાં પાર્ટનર કન્ટ્રી જર્મનીના શ્રીયુત્ત સ્ટિફન, ગુજરાતના કૃષિ, ખેડૂત ક્લ્યાણ અને સહકાર વિભાગના અધિક મુખ્ય સચિવ મૂકેશ પુરી, ઉચ્ચ અધિકારીઓ, કૃષિ-પશુપાલન સાથે જોડાયેલાં ઉદ્યોગપતિઓ, પ્રગત્તિશીલ ખેડૂત ભાઈ-બહેનો ઉપસ્થિત રહ્યાં હતા.

 

Continue Reading

ઇન્ડિયા

રાજ્યના બલ્ક ડ્રગ અને મેડિકલ ઉદ્યોગ ક્ષેત્રે આત્મનિર્ભરતા વધારવા બલ્ક ડ્રગ્સ પાર્ક આશીર્વાદરૂપ સાબિત થશે

Published

on

ગુજરાતમાં બલ્ક ડ્રગ પાર્ક સ્થાપવા કેન્દ્ર સરકાર દ્વારા આશરે રૂ. ૧૦૦૦ કરોડની સહાય

રાજ્યના બલ્ક ડ્રગ અને મેડિકલ ઉદ્યોગ ક્ષેત્રે આત્મનિર્ભરતા વધારવા બલ્ક ડ્રગ્સ પાર્ક આશીર્વાદરૂપ સાબિત થશે

વડાપ્રધાન નરેન્દ્ર ભાઈ મોદી ની કેન્દ્ર સરકારે ગુજરાતના ભરૂચ જિલ્લાના જંબુસર ખાતે ભારતનો સૌપ્રથમ બલ્ક ડ્રગ પાર્ક સ્થાપવા મંજૂરી આપી છે
ગુજરાત સહિત આંધ્ર પ્રદેશ અને હિમાચલ પ્રદેશમાં પણ બલ્ક ડ્રગ પાર્ક સ્થાપવાની કેન્દ્ર સરકાર દ્વારા સૈદ્ધાંતિક મંજુરી આપવામાં આવી છે.
મુખ્યમંત્રી ભૂપેન્દ્ર પટેલે ગુજરાતની વિકાસ યાત્રામા યશ કલગી બનનાર આ ભેટ આપવા માટે વડાપ્રધાન નરેન્દ્ર ભાઈ મોદીનો સમગ્ર ગુજરાત વતી આભાર વ્યક્ત કર્યો છે
ગુજરાતમાં બલ્ક ડ્રગ પાર્ક સ્થાપવા માટે Gujarat Industrial Development Corporation (GIDC) દ્વારા જગ્યા આઈડેંટીફાઈ કરી બલ્ક ડ્રગ પાર્ક સ્થાપવા અર્થે એક પ્રપોસલ તૈયાર કરીને કેન્દ્ર સરકારની સ્કીમ સ્ટીયરીંગ કમીટી (SSC) સમક્ષ ડિટઈલ્ડ પ્રોજેક્ટ રીપોર્ટ રજુ કરવામાં આવ્યો હતો
. કેન્દ્ર સરકારની સ્કીમ સ્ટીયરીંગ કમીટી દ્વારા પ્રપોસલ ચકાસ્યા બાદ ગુજરાત રાજ્યનાં ભરુચ જીલ્લાનાં જંબુસર તાલુકા ખાતે કોમન ઇન્ફ્રાસ્ટ્રક્ચર ફેસીલીટી સાથેનું બલ્ક ડ્રગ પાર્ક સ્થાપવા અર્થે સૈદ્ધાંતિક મંજુરી આપવામાં આવેલ છે.
ભારત સરકાર દ્વારા રાજ્યમાં કોમન ઇન્ફ્રાસ્ટ્રક્ચર ફેસીલીટી સાથેનું બલ્ક ડ્રગ પાર્ક સ્થાપવા આશરે રૂ. ૧૦૦૦ કરોડ ની સહાય આપવામાં આવશે, જેથી સ્પર્ધાત્મક ભાવે બલ્ક ડ્રગ્સનું ઉત્પાદન શક્ય બનશે.
આ પાર્ક થકી રાજ્યના બલ્ક ડ્રગ ઉદ્યોગ અને મેડિકલ ઉદ્યોગને ખુબ જ ફાયદો થશે.

ભારત સરકારના કેમીકલ અને ફર્ટીલાઇઝર મંત્રાલય અંતર્ગત ડીપાર્ટમેન્ટ ઓફ ફાર્માસ્યુટીકલ્સ દ્વારા મેડિકલ ડિવાઇસીસ પાર્ક તેમજ બલ્ક ડ્રગ પાર્ક સ્થાપવા માટે વિવિધ પ્રકારની યોજનાઓ બનાવવામાં આવેલી છે. વડાપ્રધાન નરેન્દ્રભાઈના દિશા દર્શનમા યોજનાઓનો લાભ લઇ ગુજરાતમાં પણ આ પ્રકારના પાર્ક બનાવીને ગુજરાતના ફાર્મા ઉદ્યોગના ઝડપથી વિકાસ માટે રાજ્ય સરકાર પ્રતિબદ્ધ છે એમ પણ મુખ્યમંત્રીએ જણાવ્યું છે

Advertisement

Continue Reading

Trending