તપોવન પરિવાર અને ત્યાગ ટ્રસ્ટ દ્વારા
“એક કદમ રાષ્ટ્ર નિર્માણ કી ઔર” કાર્યક્રમનું કરાયું આયોજન

યુગપ્રધાનઆચાર્ય પરમ પૂજ્ય ચંદ્રશેખરવિજયજી મહારાજ સાહેબ પ્રેરિત તપોવન પરિવાર અને ત્યાગ ટ્રસ્ટ દ્વારા જનજનના હૃદયમાં ધર્મ – સંસ્કૃતિ અને રાષ્ટ્રરક્ષાની આહલેક જાગે તે માટે “એક કદમ રાષ્ટ્ર નિર્માણ કી ઔર” કાર્યક્રમનું અદભુતપૂર્વં આયોજન થયું હતું.લોક કલાકાર સાંઈરામ દવે દ્વારા ધર્મ – સંસ્કૃતિ અને રાષ્ટ્રની રક્ષા માટે લોકોને કાર્યરત થવા હાકલ કરી હતી. આ ઉપરાંત લોકશાહીના પવિત્ર અવસરે શાંતિ – સલામતી અને સમૃદ્ધિ માટે મતદાન કરવાની હાકલ કરી હતી.

આવનારી પેઢીના ઉજ્જવળ ભવિષ્યના નિર્માણ માટે અને ભવ્ય ભારત અને દિવ્ય ભારતની દિશામાં આગળ ધપાવવા કાર્યરત હોય તેવા રાષ્ટ્ર – સંસ્કૃતિ અને ધર્મ પ્રેમીઓના સમર્થનમાં આળસ ખંખેરી આગળ આવવા અપીલ કરવામાં આવેલ હતી.

તપોવની બાળકોના ગગનભેદી નારાઓ અને કાવ્યપાઠે ઉપસ્થિત હજારોની જનમેદનીને મંત્ર મુગ્ધ કરી દીધા હતા.

કોંગ્રેસ ભાજપનું ગઠબંધન ખુલ્લું પડ્યું અરવિંદ કેજરીવાલ

સૌરાષ્ટ્ર અને દક્ષિણ ગુજરાતની 87 વિધાનસભાની બેઠકો માટે 1 ડિસેમ્બરના રોજ યોજાનાર છે..ત્યારે ગુજરાત વિધાનસભામાં વિરોધપક્ષના પૂર્વ નેતા પરેશ ધાનાણીએ ભાજપના નેતાઓ પરસોત્તમ રૂપાલા ,ગોરધન ઝડફિયા અને દિલીપ સંઘાણી સહીત સિનિયર નેતાઓ સાથે મુલાકાત કરી છે.ત્યારે દિલ્હીના અરવિંદ કેજરીવાલે કહ્યું હતું કે અમે પહેલીથી જ કહેતા હતા કે ભાજપ કોંગ્રેસ બન્ને એકજ છે..અત્યાર સુધી તેઓનું છૂપું ગઠબંધન હતું જે ચૂંટણી નજીક આવતા હવે ખુલ્લું પડી ગયું છે..

ટીવી ચેનલો માટે કેન્દ્ર સરકારનો આદેશ

રાષ્ટ હિતમાં અડધો કલાકના કાર્યક્રમો દેખાડવા ફરજીયાત

1 જાન્યુઆરી 2023થી તમામ ટીવી ન્યૂઝ ચેનલો માટે લાગુ પડી શકે નવો નિયમ
દરરોજ 30 મિનિટ રાષ્ટ્રીય હિતનો કાર્યક્રમ દેખાડવો પડશે
ન્યૂઝ ચેનલોને અપાઈ આઠ થીમ
1 જાન્યુઆરી, 2023થી તમામ ન્યૂઝ ચેનલો માટે કેન્દ્ર સરકાર દ્વારા નવા આદેશનું પાલન કરવું પડશે

9 નવેમ્બરે માહિતી અને પ્રસારણ મંત્રાલયે એક ગાઈડલાઈન્સ બહાર પાડી હતી જે અનુસાર તમામ ન્યૂઝ ચેનલોએ તેમની ચેનલો પર દરરોજ ઓછામાં ઓછી 30 મિનિટ સુધી એક રાષ્ટ્રીય અને જાહેર હિત સાથે જોડાયેલી સામગ્રી ફરજિયાત પણે પ્રસારિત કરવી પડશે પરંતુ હવે મંત્રાલયે આ નિયમની મુદત વધારીને 1 જાન્યુઆરી 2023 કરી છે આ તારીખથી 30 મિનિટના કાર્યક્રમનો નિયમ ફરજિયાત બની જશે અને ચેનલોએ ફરજિયાતપણે તેનું પાલન કરવું પડશે.

મંત્રાલયની ગાઈડલાઈન્સ અનુસાર, જાહેર સેવા અને રાષ્ટ્રીય હિત” ને લગતી સામગ્રીને ટેલિકાસ્ટ કરવા માટે દરરોજ ઓછામાં ઓછી 30 મિનિટનો સમય આપવો પડશે જેના માટે સામગ્રી બનાવવા માટે ચેનલોને આઠ થીમ્સ આપવામાં આવી હતી. સરકારના જણાવ્યા મુજબ, આ પગલા પાછળનો તર્ક એ છે કે એરવેવ્સ જાહેર સંપત્તિ છે અને તેનો ઉપયોગ સમાજના શ્રેષ્ઠ હિતમાં કરવાની જરૂર છે. ચેનલોને આપવામાં આવેલા વિષયોમાં (1) શિક્ષણ અને સાક્ષરતાના પ્રસારનો સમાવેશ થાય છે. (ii) કૃષિ અને ગ્રામીણ વિકાસ; (iii) આરોગ્ય અને કુટુંબ કલ્યાણ; (iv) વિજ્ઞાન અને ટેકનોલોજી; (૫) સ્ત્રીઓનું કલ્યાણ; (૬) સમાજના નબળા વર્ગોનું કલ્યાણ; (vii) પર્યાવરણ અને સાંસ્કૃતિક વારસાનું રક્ષણ; અને (7) (8) રાષ્ટ્રીય એકતા.

30 મિનિટનો રાષ્ટ્રીય કાર્યક્રમ દર્શાવવો તમામ ન્યૂઝ ચેનલો માટે ફરજિયાત છે જેને માટે 1 જાન્યુઆરી 2023નો સમય નક્કી કરાયો છે. સરકારનુ માનવું છે એરવેવ્સ જાહેર સંપત્તિ છે અને તેનો ઉપયોગ સમાજ અને લોકોના હિતમાં થાય તે જરુરી છે આ માટે આવો નિયમ લાગુ પાડવામાં આવ્યો છે. જોકે જે ચેનલો આ નિયમનું પાલન ન કરે તો તેને માટે સજાની કોઈ જોગવાઈ કરાઈ છે કે નહીં તે અંગે કંઈ ફોડ પડાયો નથી પરંતુ સરકારની આશા છે કે તમામ ન્યૂઝ ચેનલો આ નિયમનું પાલન કરશે.