હોળી એ રંગોનો તહેવાર છે. વિશ્વમાં લોકોના જીવનમાં રંગોનું ખૂબ મહત્વ છે. રંગ વિના જીવન નીરસ બની જાય છે. આ રંગો જીવનમાં નીરસતા ઘટાડવા અને વિશ્વની સુંદરતા ઉજાગર કરવાના પ્રતીક છે. આવી સ્થિતિમાં લોકો હોળીની ઉજવણી માટે અનેક રંગોનો ઉપયોગ કરે છે.
દરેક રંગોનું પોતાનું મહત્વ છે. જોકે રેટલાક ખાસ રંગોનો વધુ ઉપયોગ કરવામાં આવે છે. આ રંગો કેટલીક લાગણીઓનું પ્રતીક છે. મોટાભાગના લોકો હોળીમાં પીળા, લાલ અને લીલા રંગને લગાવવાનું પસંદ કરે છે. પરંતુ શું તમે ક્યારેય નોંધ્યું છે કે તમે તમારા નજીકના અને પ્રિયજનોને કયો રંગ લગાવી શકો છો? આ રંગોનું શું મહત્વ છે? ત્યારે ચાલો જાણીએ હોળીના દરેક રંગનું મહત્વ અને કોને કયો રંગ લગાવી શકાય?
લીલો રંગ – લીલો રંગ હરિયાળી દર્શાવે છે પરંતુ હોળીનો લીલો રંગ એટલે શીતળતા, આરામ અને સકારાત્મકતા. જો તમે તમારા વડીલોને અબીલ અથવા ગુલાલ લગાવો છો, તો તમે લીલો રંગ લગાવી શકો છો. આ રંગ ચહેરા પર ખીલી ઉઠે છે.
લાલ રંગ – લાલ રંગને પ્રેમનું પ્રતીક માનવામાં આવે છે. પરંતુ હોળીનો લાલ રંગ ઉર્જાનો, ઉત્સાહનો રંગ કહી શકાય. હોળીમાં લાલ રંગનો સૌથી વધુ ઉપયોગ થાય છે. હોળીમાં રંગો રમવાની શરૂઆત ભગવાનને લાલ રંગ અર્પણ કરીને કરી શકાય છે. આ સિવાય બાળકો અને યુવાનોને લાલ રંગ લગાવી શકાય છે.
પીળો રંગ – હોળીમાં પીળો રંગ પણ આકર્ષે છે. પીળો રંગ સુંદરતા અને આકર્ષણનું પ્રતીક છે. તે છોકરીઓના ચહેરા પર લગાવી શકાય છે. પીળો રંગ તેમની ચમક વધારશે. તે દરેકનું ધ્યાન આકર્ષિત કરશે. જો કે, લાલ રંગ સિવાય પીળો રંગ પણ ભગવાનને લગાવી શકાય છે, કારણ કે તે સુખ, સંપત્તિ અને આધ્યાત્મિકતા સાથે સંકળાયેલ માનવામાં આવે છે.
નારંગી રંગ – નારંગી રંગનો ઉપયોગ સુખ, સામાજિકતા અને ઊર્જાના પ્રતીક તરીકે કરી શકાય છે. નારંગી રંગ એવા લોકોને લગાવી શકાય છે જેઓ તમારી ખૂબ નજીક છે અથવા જેમની સાથે તમે સૌહાર્દપૂર્ણ સંબંધ રાખવા માંગો છો. આ રંગ ન માત્ર તેમનું આકર્ષણ વધારશે પરંતુ તમારી શુદ્ધ મનને પણ તેમની સામે ઉજાગર કરશે.
