કોણ છે માલવિકા મોહનન ?

માલવિકા મોહનન એક ભારતીય ફિલ્મ અભિનેત્રી છે, જે મુખ્યત્વે મલયાલમ ભાષાની ફિલ્મોમાં કામ કરે છે. આ ફિલ્મો સિવાય તેણે હિન્દી, કન્નડ અને તમિલ ભાષાની ફિલ્મોમાં પણ કામ કર્યું છે.

તે સિનેમેટોગ્રાફર KU મોહનનની પુત્રી છે, જેણે તેણીને રોમેન્ટિક ડ્રામા ફિલ્મ પટ્ટમ પોલ (2013) માં કાસ્ટ કરી હતી, જે તેણીની પ્રથમ ફિલ્મ બની હતી. આ ફિલ્મ પછી, તેણીએ મલયાલમ અને કન્નડ ફિલ્મોમાં મુખ્ય ભૂમિકાઓ ભજવવાનું શરૂ કર્યું, અને તેણીને ઘણી ફિલ્મોમાં તેના અભિનય માટે પ્રશંસા પણ મળી.

માલવિકાએ તેણીનું શાળાકીય શિક્ષણ મુંબઈમાં કર્યું હતું, જ્યાં તેણે વિલ્સન કોલેજમાંથી માસ મીડિયામાં ડિગ્રી મેળવી હતી, જેના કારણે તેણી સિનેમેટોગ્રાફર અથવા દિગ્દર્શક તરીકે તેના પિતાને મદદ કરી શકી હતી. તેણી આગળ અભ્યાસ કરવા માંગતી હતી, પરંતુ તેના પિતાના કહેવાથી તેણે કેટલીક ક્રીમની જાહેરાત વગેરેના શૂટિંગમાં કામ કરવાનું શરૂ કર્યું અને ત્યારથી તેને અભિનયમાં રસ પડવા લાગ્યો.

તેને આગામી મલયાલમ ફિલ્મમાં અભિનય કરવાની તક પણ મળી. પરંતુ માલવિકાએ તેની સાથે જોડાતા પહેલા આવો નિર્ણય લેતા પહેલા સારી રીતે વિચારવાનો સમય માંગ્યો હતો. ત્યારબાદ તેણીએ ઓડિશનમાં હાજરી આપી અને પટ્ટમ પોલમાં મુખ્ય પાત્ર તરીકે પસંદગી પામી. જો કે, આ ફિલ્મ બોક્સ ઓફિસ પર કોઈ અજાયબી બતાવી શકી ન હતી અને તેને અસફળ જાહેર કરવામાં આવી હતી. ફિલ્મને વિવેચકો તરફથી મિશ્ર પ્રતિસાદ મળ્યો હતો

તેણી તેની બીજી ફિલ્મ નિર્ણાયકમ (2015) માં બેલે ડાન્સર બની હતી. આ ફિલ્મે સારી કમાણી કરવાની સાથે સાથે સારી સમીક્ષાઓ પણ મેળવી હતી. પરંતુ બાદમાં તેણીએ ફિલ્મના નિર્માણની વચ્ચે છોડી દીધી હતી.[8] 2016માં, માલવિકાએ તેની પ્રથમ કન્નડ ફિલ્મ નાનુ મટ્ટુ વરલક્ષ્મી (2016)માં અભિનય કર્યો હતો.જેમાં તેણે નવોદિત પૃથ્વી સાથે કામ કર્યું હતું. 2017), તે પોલીસ અધિકારીની ભૂમિકામાં જોવા મળ્યો હતો.

અમેરિકા ના કેન્સાસ માં ગુજરાતીઓ ઉજવી નવરાત્રી

ગુજરાતીઓ નો નવરાત્રી એ સૌથી પ્રિય તહેવાર છે.ગુજરાતીઓ દેશમાં હોય કે વિદેશમાં પોતાના પ્રિય તહેવારની ઉજવણી કરવાનું ના ભૂલે.ગુજરાતીઓ વિદેશમાં જઈને પણ પોતાના પ્રિય તહેવારની ભવ્યતાથી ઉજવણી કરતા હોય છે.આવાજ ઉત્સવ પ્રેમી જીગર બારોટ અભી પંચાલ ભૌમિક અમીન સહીત નીકંપની આર કે એન્ટરટેઇન્મેન્ટ દ્વારા ગુજરાતીઓ માં લોકપ્રિય ગાયક કલાકાર એશ્વર્યા મજબુદાર નોઅમેરિકામાં કેન્સાસ સીટી ખાતે કાર્યક્રમ આયોજિત કરાયો હતો જેમાં મોટી સંખ્યામાં કેન્સાસ, મિસૌરી, ઓકલોહોમા, અરકાનસાસ, નેબ્રાસ્કા સહીત ના રાજ્યો ના ગુજરાતીઓ એ ભાગ લીધો હતો આ પ્રસંગે ગુજરાતના મુખ્યપ્રધાન ભુપેન્દ્ર પટેલે નવરાત્રીની શુભેચ્છા પાઠવી હતી.

મુખ્યમંત્રી ભુપેન્દ્ર પટેલના હસ્તે ગુજરાતની પહેલી ‘સીનેમેટિક ટુરિઝમ પોલિસી’નું લોન્ચિંગ
મુખ્યમંત્રી
વિશ્વના ઉદ્યોગ અને વ્યવસાયકારો રોકાણ માટે ભારત અને ગુજરાત પર પસંદગી ઉતારી રહ્યા છે

અમારી ટિમ ગુજરાતને દરેક ક્ષેત્રે અગ્રીમ રાખવા પ્રયાસરત

રાજ્ય સરકારના મંત્રીઓ પૂર્ણેશ મોદી, અરવિંદ રૈયાણી અને અભિનેતા અજય દેવગણે આપી હાજરી

સીનેમેટિક ટુરિઝમ પોલિસી 2022-27 થકી ગુજરાતમાં ફિલ્મ સર્જનની નવી ક્ષિતિજો ખુલી જશે: પૂર્ણેશ મોદી

ગુજરાતની સૌપ્રથમ ‘સીનેમેટિક ટુરિઝમ પોલિસી’નું લોન્ચિંગ મુખ્યમંત્રી ભુપેન્દ્ર પટેલે અભિનેતા અજય દેવગણ, રાજ્ય સરકારના મંત્રી પુર્ણેશ મોદી અને અરવિંદ રૈયાણી સહિતના મહાનુભાવોની ઉપસ્થિતિમાં કર્યું હતું.
મુખ્યમંત્રીએ આ સિનેમેટીક ટુરીઝમ પોલિસી ગુજરાતમાં ફિલ્મ ઇન્ફ્રાસ્ટ્રકચરના ડેવલપમેન્ટમાં મહત્વપૂર્ણ બનશે તેવો વિશ્વાસ વ્યક્ત કર્યો હતો.
મુખ્યમંત્રીએ ક્હ્યુંકે, વડાપ્રધાન નરેન્દ્ર ભાઈ મોદીના નેતૃત્વમા વિકાસની રાજનીતિનો નવો યુગ શરૂ થયો છે અને ગુજરાત એમના જ માર્ગ દર્શનમા દેશનું વિકાસ મોડલ બન્યું છે.
ગુજરાત પોલીસી ડ્રીવન સ્ટેટ છે અને વિશ્વના રોકાણકારો માટે પસંદગીનું પ્રથમ સ્થાન બની ગયું છે.
આત્મ નિર્ભર ગુજરાતના નિર્માણ થી આત્મ નિર્ભર ભારત માટે આ પોલીસી ઉપયુક્ત બનશે એવો વિશ્વાસ મુખ્યમંત્રીએ વ્યક્ત કર્યો હતો.
તેમણે કહ્યું કે આ પોલિસી ફિલ્મ મેકીંગ ક્ષેત્રના સર્વિસ પ્રોવાઇડર્સને એક મંચ પર લાવી પ્રવાસન વિકાસને પણ અપ્રતિમ વેગ આપશે.
મુખ્યમંત્રીએ એમ પણ જણાવ્યું કે આ નવી પોલિસી ગુજરાતમાં ફિલ્મ નિર્માણ માટે સક્ષમ તકો ઉભી કરશે તેમજ સ્થાનિક લોકોને રોજગારીના અવસર પણ આપશે.

પ્રસિદ્ધ અભિનેતા અજય દેવગણે ઉપસ્થિત લોકોને જણાવ્યું હતું કે, આ સીનેમેટિક ટુરિઝમ પોલિસીના લોન્ચિંગ પ્રસંગે ઉપસ્થિત રહેવાનો આનંદ છે. તેમણે કહ્યું હતું કે, ગુજરાત સરકારે સીનેમેટિક ટુરિઝમ પોલિસી જાહેર કરી તેની મને ખુશી છે.
ગુજરાત સાથેના અનુભવો અંગે અજય દેવગણે જણાવ્યું હતું કે, અહીંની સંસ્કૃતિ, વિસ્તારો અને વિવિધ ગુજરાતી વાનગીઓ મને આકર્ષે છે. અહીંના લોકોનો પ્રેમ પણ ખૂબ સારો મળ્યો છે.
હું ગુજરાત સાથે વર્ષોથી જોડાયેલો છું. આ પોલિસીના માધ્યમથી ફિલ્મ જગતને સારો સહકાર મળી રહેશે.

આ પ્રસંગે પ્રવાસન મંત્રી પૂર્ણેશ મોદીએ જણાવ્યું હતું કે, આજનો દિવસ એ ગુજરાતમાં સુવર્ણ અક્ષરે લખાશે. આ સીનેમેટિક ટુરિઝમ પોલિસી ગુજરાતના પર્યટનને આગળ વધારવામાં ખૂબ મહત્વની બની રહેશે. તથા આ પોલિસીથી ગુજરાતમાં રોજગારી ઉતપન્ન થશે. ગુજરાત આગામી દિવસોમાં ફિલ્મ ઇન્ડસ્ટ્રીઝ ક્ષેત્રે પણ અગ્રેસર રહેશે તેવો વિશ્વાસ પણ તેમણે વ્યક્ત કર્યો હતો.

ટુરિઝમ વિભાગના સચિવ હારીત શુક્લાએ સ્વાગત પ્રવચનમાં જણાવ્યું હતું કે, સિનેમાના પડદે દર્શાવતું સ્થળ લોકોને યાદ રહી જાય છે અને બાદમાં તે ટુરિઝમ સ્પોટ બની જાય છે. દેશ-વિદેશના આવા અનેક સ્થળોનો પરિચય આપણને મુવીમાંથી મળે છે.
ગુજરાતમાં કચ્છનું સફેદ રણ, શિવરાજપુર બીચ જેવા અનેક સ્થળો છે જ્યાં શૂટિંગ સ્પોટ બની શકે તેવી વ્યાપક તકો છે. તેમણે સીનેમેટિક ટુરિઝમ પોલિસી થકી ફિલ્મ ઇન્ડસ્ટ્રી માટે ગુજરાતમાં શૂટિંગની તકો વધશે તેવો વિશ્વાસ પણ વ્યક્ત કર્યો હતો.

આ પોલિસી લોન્ચિંગ સાથે મુખ્યમંત્રી અને મહાનુભાવોની ઉપસ્થિતિમાં ગુજરાતમાં ફિલ્મ મેકીંગ, સ્ટુડીયો ઇન્ફ્રાસ્ટ્રક્ચર, એક્ટીંગ સ્કૂલ સહિતના વિવિધ વિષયોમાં રોકાણો માટેના કુલ રૂ.૧૦૨૨ કરોડના ચાર એમ.ઓ.યુ. પ્રવાસન વિભાગ સાથે કેટલાક રોકાણકારો દ્વારા કરવામાં આવ્યા હતા. અભિનેતા અજય દેવગણે પણ રાજ્યમાં ફિલ્મ મેકીંગ અને સ્ટુડીયો ઇન્ફ્રાસ્ટ્રક્ચર તથા અન્ય સુવિધાઓ માટેના એમ.ઓ.યુ. કર્યા હતા

આ અવસરે સીનેમેટિક ટુરિઝમ પોલિસીની જાણકારી આપતી શોર્ટફિલ્મ પણ દર્શાવવામાં આવી હતી. ટુરિઝમ વિભાગના કમિશનર અને MD આલોક કુમાર પાંડેએ ઉપસ્થિત મહાનુભાવો, ફિલ્મ ઇન્ડસ્ટ્રીઝ સાથે જોડાયેલા લોકોનો કાર્યક્રમમાં સહભાગી થવા બદલ આભાર વ્યક્ત કર્યો હતો.