વિસાવદર ચૂંટણીમાં AAP પ્રદેશ પ્રમુખ ઈસુદાન ગઢવી અને ધારાસભ્ય ચૈતર વસાવાનો મોટો ખુલાસો
હારનો ડર જોઈને ભાજપ હવે દારૂની પેટીઓ અને નોટોના બંડલ ઉતારવાની તૈયારીમાં: ઈસુદાન ગઢવી
AAP ઉમેદવાર ગોપાલ ઇટાલીયાને બદનામ કરવા માટે ભાજપે ફેક પત્રિકાઓ ફેલાવી: ઈસુદાન ગઢવી
અગાઉ પણ ભાજપે ગોપાલ ઇટાલીયાને બદનામ કરવા ખોટા વિડીયો બનાવ્યા અને અનેક ષડયંત્રો રચ્યા: ઈસુદાન ગઢવી
વિસાવદરની જનતા ભાજપની ચાલને સમજી ગઈ છે, ભાજપના ષડયંત્રમાં કોઈ લોકો ફસાશે નહીં: ચૈતર વસાવા
ભાજપના નેતાઓ પોતાના બૂથ પ્રમુખોને ગોલમાલ કરવા પ્રોત્સાહિત કરી રહ્યા છે: ચૈતર વસાવા
જનતાનું સંપૂર્ણ સમર્થન ગોપાલ ઇટાલીયાને, જીત નિશ્ચિત: ઈસુદાન ગઢવી
ચૂંટણીમાં ગોલમાલ રોકવા આમ આદમી પાર્ટીએ 40 ટીમ બનાવી: ઈસુદાન ગઢવી
ભાજપે સાધુ સંતો અને કલાકારોને હથિયારની જેમ ઉપયોગ કર્યા પરંતુ વિસાવદર ભેસાણની જનતા કોઈની વાતોમાં આવી નથી: ચૈતર વસાવા
પોલીસ અને ચૂંટણી તંત્રને અમારી રજૂઆત, તમામ અધિકારીઓને બોડી કેમેરા સાથે ઉભા રાખવામાં આવે: ચૈતર વસાવા
કોઈપણ જગ્યા પર દારૂની હેરાફેરી કે પૈસાની લે વેચ થશે તો આમ આદમી પાર્ટીની ટીમ તેના વિડીયો રેકોર્ડિંગ કરી લેશે: ઈસુદાન ગઢવી
ડીજીપી અને ચૂંટણી પંચને અપીલ કે દારૂની હેરફેર અને પૈસાની લે વેચને રોકવા માટે કડક બંદોબસ્ત બનાવે: ઈસુદાન ગઢવી
ખેડૂતો માટે કેશુબાપાના જે સપના હતા તે સપનાઓને ગોપાલ ઇટાલીયા પૂરા કરશે: ચૈતર વસાવા
અમદાવાદ/જૂનાગઢ/ગુજરાત
આમ આદમી પાર્ટીના ગુજરાત પ્રદેશ પ્રમુખ ઈસુદાન ગઢવી અને આમ આદમી પાર્ટીના ધારાસભ્ય ચૈતર વસાવાએ આજે પ્રેસ કોન્ફરન્સ યોજીને વિસાવદર ચૂંટણી મુદ્દે એક મોટો ખુલાસો કર્યો હતો. આ પ્રેસ કોન્ફરન્સમાં આમ આદમી પાર્ટીના ગુજરાત પ્રદેશ પ્રમુખ ઈસુદાન ગઢવીએ જણાવ્યું હતું કે, વિસાવદરમાં આમ આદમી પાર્ટીના ઉમેદવાર ગોપાલ ઇટાલીયા ખૂબ જ મોટી લીડ સાથે જીતી રહ્યા છે જેના કારણે ભાજપ બૌખલાઈ ગઈ છે. હવે ગઈકાલે મને જાણવા મળ્યું કે ભાજપ ઘણા ગામોમાં દારૂની પેટીઓ અને નોટો બંડલ ઉતારવાની તૈયારીમાં છે. આના પરથી સ્પષ્ટ થાય છે કે ભાજપને ખ્યાલ આવી ગયો છે કે તેઓ હારી રહ્યા છે. આ અગાઉ પણ તેઓએ ગોપાલભાઈને બદનામ કરવા તેમના વિશે જૂઠ ફેલાવ્યું તેમના ખોટા વિડીયો બનાવ્યા અને ગોપાલભાઈ વિરુદ્ધ ષડયંત્ર રચ્યા. પરંતુ ભાજપની આવી કોઈ પણ ચાલ સફળ થઈ નહીં અને જનતા સામેથી ભાજપને કહી રહી છે કે આવા ષડયંત્ર કરવાની જગ્યાએ તમે કામ કરો અને કામના નામ પર વોટ માંગો. આજે ગામના લોકો મંત્રી લેવલના નેતાઓને ગામમાં ઘૂસવા નથી દેતા તેવી સ્થિતિ પેદા થઈ છે.
હવે ભાજપે AAP ઉમેદવાર ગોપાલભાઈ ઇટાલીયાને બદનામ કરવા માટે તેમના જુઠ્ઠાણાઓ ફેલાવતી પત્રિકાઓ ફેલાવી છે. આ મામલે અમે કાયદાકીય કાર્યવાહી કરીશું અને જે પણ ગુનેગારો હશે એને જેલના સળિયા પાછળ નાખી છે. બીજું ભાજપ પૈસા અને દારૂ ઉતારવાની તૈયારીમાં છે તો હું ચૂંટણી પંચ અને DGPને વિનંતી કરીશ કે આવી કોઈપણ ગતિવિધિઓ થાય તો તેને તાત્કાલિક ધોરણે રોકવામાં આવે આ માટે કડકમાં કડક બંદોબસ્ત રાખવામાં આવે તેવી અમારી માંગ છે. આવી ઘટનાઓને રોકવા માટે આમ આદમી પાર્ટીએ 40 ટીમ બનાવી છે. તો કોઈપણ જગ્યાએ કોઈ પણ ભાજપનો કાર્યકર્તા પણ દારૂ આપતો હશે કે પૈસા આપતો હશે કે કોઈ પણ પ્રકારની હેરાફેરી કરતો હશે તો અમારી ટીમ દ્વારા તેનું વિડીયો રેકોર્ડિંગ કરવામાં આવશે. અમે વાત સાંભળી છે કે ચૂંટણીની આગલી રાત્રે પણ ભાજપના નેતાઓ રૂપિયા વહેંચવાના છે.
હું વિસાવદરની જનતાને અપીલ કરવા માંગુ છું કે ભાજપ હવે કોઈપણ પ્રકારના લોભ લાલચ આપે કે સોશિયલ મીડિયા પર જૂઠ ફેલાવે કે પત્રિકાઓ ફેલાવીને જૂઠ ફેલાવે પરંતુ હવે વિસાવદરના કોઈપણ લોકો ભાજપની વાતોમાં આવી નહીં અને ભાજપ પર વિશ્વાસ કરશે નહીં. ભાજપની આ જુની આદતો છે ભાજપ જ્યારે પણ ચૂંટણી હારી છે ત્યારે આવી આદતોને અપનાવે છે. ભાજપના કાર્યકર્તાઓને પણ મારી વિનંતી છે કે ભાજપ તમારા મુદ્દાઓ નથી સાંભળી રહી માટે તમે પણ હવે ભાજપને વોટ આપતા નહીં. મને વિસાવદરની જનતા પર પૂરો વિશ્વાસ છે કે તેઓ ભાજપના કોઈપણ ષડયંત્રમાં ફસાશે નહીં. વિસાવદરના લોકોને ગોપાલ ઇટાલીયા જેવા જબરદસ્ત નીડર અને ઈમાનદાર ઉમેદવાર મળ્યા છે તો હવે તેમને જીતાડવા માટે 19 તારીખે મોટી સંખ્યામાં મતદાન કરીને તેમને વિજય બનાવો. હાલ વરસાદની સિઝન ચાલી રહી છે અને ભલે વિસાવદરના લોકોને વાવણી પણ કરવાની હોય પરંતુ ભવિષ્યની વાવણી માટે આ ચૂંટણી ખૂબ જ જરૂરી છે. તો મારી વિનંતી છે કે ગોપાલ ઇટાલીયાનું એક નંબરનું ઝાડુંનું બટન દબાવો અને તમે આખા ગુજરાતના ખેડૂતો, મજૂરો, દલિતો, આદિવાસીઓ અને જે જે લોકો પર ભાજપ અત્યાચાર કરી રહી છે તે તમામનો અવાજ બનો. અને મને પૂરો વિશ્વાસ છે કે આમ આદમી પાર્ટી અને ગોપાલ ઇટાલીયાની જીત નિશ્ચિત છે.
ત્યારબાદ આમ આદમી પાર્ટીના ધારાસભ્ય ચૈતર વસાવાએ મીડિયા સમક્ષ પોતાની વાત રજૂ કરતા જણાવ્યું હતું કે, હવે ચૂંટણીને ગણતરીના દિવસો બાકી છે ત્યારે ભાજપ પૈસા, પાવર, દારૂ, જોડ તોડ જેવી તમામ રાજનીતિ કરી રહી છે. ભાજપના નેતાઓ તેમના બૂથ પ્રમુખોને પ્રોત્સાહિત કરી રહ્યા છે કે જેટલું પણ ખોટું કરવું હોય કરી શકો છો કારણ કે પોલીસ અને તંત્ર ભાજપ પાસે છે. આવી પરિસ્થિતિમાં અમે પોલીસ અને ચૂંટણી તંત્રને રજૂઆત કરવા માંગીએ છીએ કે તમામ અધિકારીઓને બોડી કેમેરા સાથે ઉભા રાખવામાં આવે. હું જનતાને પણ અપીલ કરવા માંગીશ કે 19 તારીખે સવારે વહેલા 07:00 વાગ્યાથી વોટ આપવાનું શરૂ કરી દો જેના કારણે બોગસ વોટીંગને પણ અટકાવી શકાય. અમે ચૂંટણી પ્રચાર માટે આ વિસ્તારમાં ફરીએ છીએ ત્યારે અમારા આગેવાનોએ અમને જણાવ્યું છે કે ઘણા વિસ્તારોમાં દારૂની ગાડીઓ આવીને પણ ઉતરી ગઈ છે. તો આવનારા સમયમાં પુરાવા સાથે આ બાબતે અમે ખુલાસો કરીશું.
ગોપાલ ઇટાલીયા એક એવા નેતા છે જે ફક્ત વિસાવદરના નહીં પરંતુ આવનારા દિવસોમાં સમગ્ર ગુજરાતના મજબૂત નેતા બનશે અને વિધાનસભામાં મજબૂત વિપક્ષના નેતાની ભૂમિકાની ફાવશે. ગોપાલ ઇટાલીયા વિસાવદરની સાથે સાથે સમગ્ર ગુજરાતનો અવાજ બનશે. માટે જનતાને વિનંતી છે કે કોઈપણ પ્રકારની લોભ લાલચમાં કે ડરમાં આવ્યા વગર આ વખતે આમ આદમી પાર્ટીના ઉમેદવાર ગોપાલ ઇટાલીયાને વોટ આપો. જનતાએ નક્કી કરવાનું છે કે તેમને કિરીટ પટેલ જોઈએ છે કે ગોપાલ ઇટાલીયા. એક બાજુ ભાજપનું અભિમાન છે અને બીજી બાજુ વિસાવદરની જનતાનું સ્વાભિમાન છે. અમે વિસાવદર ભેસાણની જનતાને વધુ એક અપીલ કરવા માંગીએ છીએ કે કોંગ્રેસ આ ચૂંટણીમાં ક્યાંય પણ નથી માટે કોંગ્રેસને મત આપીને પોતાનો મત બગાડશો નહીં.
કેશુબાપા ફક્ત વિસાવદરના નહીં પરંતુ સમગ્ર ગુજરાતના નેતા હતા અને તેમની સાથે ભાજપે કેવો વ્યવહાર કર્યો તે આજે તમામ લોકો જાણે છે. જનતા માટે અને ખાસ કરીને ખેડૂતો માટે કેશુબાપાના જે સપના હતા તે સપનાઓને લઈને જ આજે ગોપાલ ઇટાલીયા આગળ વધી રહ્યા છે અને ખેડૂતો માટેના કેશુબાપાના જે સપનાઓ હતા તે સપનાઓને ગોપાલ ઇટાલીયા પૂરા કરશે. આ માટે વિસાવદર ભેસાણ ગ્રામ્યની જનતાને અપીલ છે કે ગોપાલ ઇટાલીયાને જંગી બહુમતીથી વિજય બનાવી અને વિધાનસભામાં પહોંચાડો. ભાજપ તમામ મોરચે નિષ્ફળ ગઈ છે માટે તેઓએ સાધુ-સંતોને અને કલાકારોને હથિયારના રૂપમાં ઉપયોગ કર્યો છે પરંતુ વિસાવદર ભેસાણાની જનતા તેમાં પણ ફસાઈ નથી. હવે આ લોકો અમારા કાર્યકર્તાઓને પણ પૈસાની લાલચ આપીને વિડીયો બનાવવા માટે પ્રેરિત કરશે પરંતુ અમે જનતાને કહેવા માગીએ છીએ કે આ ભાજપની સ્ટ્રેટેજી છે અને તેઓ આ જ રીતે જનતાને ગુમરાહ કરવા માંગે છે. હજુ પણ ભાજપના લોકો ગોપાલ ઇટાલીયાના એડિટ કરેલા વિડિયો મૂકી શકે છે.પરંતુ વિસાવદરની જનતા હવે ભાજપને ઓળખી ગઈ છે અને આવા કોઈપણ ષડયંત્રમાં જનતા ફસાશે નહીં તેઓ અમને વિશ્વાસ છે.
વિસાવદરની પેટાચૂંટણીમાં આવ્યો નવો વળાંક
આપના ઉમેદવાર ગોપાલ ઇટાલિયા રૂ. 2 લાખ રોકડા લઈને પ્રાંત કચેરી પહોંચ્યા
ભાજપ અને કોંગ્રેસના આગેવાનોએ આપના કાર્યકરને ખરીદવાનો પ્રયાસ કર્યાનો લગાવ્યો આરોપ
વિસાવદરની સાયોના હોટલમાં કાર્યકરને બોલાવી રૂપિયા આપ્યાનો આરોપ
આપના વિસાવદર તાલુકા મહામંત્રીને રૂ. 2 લાખ આપી ખરીદવાનો કર્યો પ્રયાસ
ચૂંટણી અધિકારી પાસે ગોપાલ ઇટાલિયા ફરિયાદ નોંધાવવા પહોંચ્યા
